Matsan Masha Ni A Matu Myit Mada Shara Nnga Ai Mung Masa Party Hpe Ninghkap Na Matu Philippines Saradaw Tsun Sadi Jaw

Philippines Saradaw  langai kawn du wa na 2022 Philippine ra lata poi hta Matsan masha ni a matu myit mada shara nga ai ra lata poi shang gumsan magam hpe lata na matu tsun shadum dat nga ai.

Manila Sasana uphkang Saradaw Usa Wa Saradaw Rogderick Pabillo hku  nna “du wa na 2022 ra lata poi shang  Mung masa party ni gaw matsan masha ni hpe nan hte a matu kaja dik htum ai myit mada shara nga ai ngu hkalem nna sindan pa lu na ladat tam wa na masa nga ai, dai hpe anhte sadi ga” nga nna November praw 8 ya shani tsun dat ai rai nga ai.

Matsan ai ni anhte a ka-ang hta galoi mung anga nga ai ngu hpe tut dum nga ga ai. Raitim,  yawn hpa gaw , dai matsan masha ni gaw Mung masa galaw ai ni shanhte sindan pa lu na matu jai lang ai hkrum nga ma ai” nga nna Saradaw Pabillo matut tsun lai wa ai.

Wa Saradaw Pabillo gaw 2021 November shata 14 ya shani ang ai “Mungkan Matsan Masha Ni A Nhtoi” hpe sha-ang nna tsun dat ai lam rai nga ai.

“Ra lata shang Mung masa la langai hpe tinang sindan pa jaw na njaw na jep chyam yu mai ai lam  gaw, shi ra lata poi shang taw ai laman (shing n rai) rung dung ai hpang mi rai rai matsan masha ni hpe kaja nan garum mayu ai myit nga ai kun, garum lai wa yu sai kun ngu ai lam rai nga ai. Mung masa la langai a matu dai gaw hpang jahtum dawdan na matu chyam dinglik yu ai lam rai nga ai.

Ya ten hta shanhte matsan masha ni a matu hpa galaw ya lu ai lam nnga yang ra lata poi ngut ai hpang shan hte dang ai rai tim matsan masha ni a matu laklai galaw ya na lam nnga ai, hkum kam mu” nga nna Saradaw matut tsun lai wa ai.

Kahtawlik hpung masha tai nna matsan masha ni hpe garum shingtau ai lam n galaw ai ni gaw jet ai Karai a kasha tai na matu n gring ai nga”

Saradaw tsun ai hta, “ Kahtawlik hpung masha tai nna matsan masha ni hpe garum shingtau ai lam n galaw ai ni gaw jet ai Karai a kasha tai na matu n gring ai nga” nga nna tsun lai wa ai.

“Matsan jam jau ai lam gaw anhte a matu aten shagu ningdat ai lam langai rai nna shanhte hpe matsan dum ai majaw garum ai ngu ai lam n re sha anhte a makam masham mahtang matsan masha ni hpe yu lakawn ra ai ngu sharin shaga da ai hpe myit dum ra nga ai” nga nna Saradaw matut tsun lai wa ai.

“Matsan masha ni gaw anhte a matu daw chyen daw sang ni re ngu nhkap lu lu ai rai yang Madu Yesu a uphkang sharin shaga ai lam hpe anhte nhkap la ai hte maren sha re, matsan ai ni gaw anhte a hpu nau ni re, Karai Kasang gaw matsan lu su n ginhka yawng hpe shi a hkrang bung ai hku hpan da sai re, shan hte mung hkye hkrang la ai hpe hkrum ai hte maren sumsing lamu hta anhte yawng gaw langai sha re na rai nga ai” nga nna Saradaw tsun lai wa ai.

Matsan ai ni hpe malu masha jaw ai hte myit shalan shabran ai hku  sha nrai, shan hte hpe matsan masha byin shangun ai masa lam ni, mayun kumhpa la nna uphkang ai lai ladat ni hpe mung ninghkap kau ra ai lam Saradaw Pabillo tsun lai wa ai.

Philippines Mungdan hta  du wa na 2022 May shata praw 9 ya shani Gumsan Magam Ra Lata Poi galaw na re ai lam, 1935 ning kaw na rai yang 17 lang ngu na Gumsan magam langai hte 16 lang ngu na Ningtau gumsan magam hpe lata na re ai lam ccan shiga dap kawn ndau da ma ai.

Source : ucannews