Majan A Majaw Hpyen Hprawng Hprawng Hkawm Nga Ai Dinghku Masha Ni Hte Ma Ni A Matu Akyu Hpyi Ya Ga Nga Nna Saw Shaga Ai Shiga.

Wa Sarabyin Francis gaw lusha gam ladaw laban langai hta hpyen yan tsinyam ni hte majan a majaw hpyen hprawng htawt sit nga pra hkawm ra ai ni a matu myit npyaw ai lam, myit hta hkam sha nga ai lam tsun dan let Christian masha ni yawng shanhte ni a matu akyu hpyi ya na matu saw shaga da nga ai.

“hpyen majan a majaw hpyen hprawng hprawng hkawm ra taw ai dinghku num/la ni the ma ni a shiga ni a majaw kaja wa sha grai myit npyaw ai.” nga nna San peter’s pa kaba hta shani hka ang angelus kyu hpyi ga tsun ai shaloi tsun shana dan ai rai nga ai.

Wa Sarabyin, shi a myit gaw hpyen yan tsin yam hkrum nna htawt sit hkawm ai masha hkying, mum, seng ni a shim lam hte makawp maga lam a matu garum ya na matu mungkan jut shara shagu shing grup hkawm yu tim hpyen yan tsin yam hte seng ai shiga gaw daini na ten hta rai tim maren sha naw na taw nga ai nga nna tsun let “shanhte a matu akyu hpyi ya ga” nga nna mungkan masha yawng hpe saw shaga da nga ai.

Grau nna Turkey mungdan kaw na Greece mungdan de htawt sit na matu dai mungdan lahkawng na lamu ga jarit de hkawm sa taw nga ai ni hte Turky mungdan Ankara muklung asuya ahkaw ahkang lat taw nga ai masha law law nga taw nga ai rai nna, dai ni yawng a matu mung akyu ja ja hpyi ya na matu Wa Sarabyin shawa masha yawng hpe hpyi nem dat ai lam Vatican shiga dap kaw nna shana dat nga ai.

Source : Vatican News

#churchnews

#rvakachinservice