A Lu Ai Rosario Livatino Hpe Tara Rapra Lam A Matu Sat Hkrum Ai Wa Ngu Wa Sarabyin Shamying Da

Italy Mungdan na Tara Agyi rai nga ai A lu ai Rosario Livatino gaw mafia hpung ni a zingri sat hkrum ai wa rai nna, shi a shakut shaja ai, dingman dinghpring ai sakse ni a marang e ya na zawn “Tara Rapra lam a matu sat hkrum ai wa re ngu, laban shani, Regina Coeli” akyu hpyi ga tsun ngut ai aten Wa Sarabyin Francis masat shamying ya ai rai nga ai.

“A martyr of justice and faith!”

“Shi gaw laban shani, Italian island of Sicily hta A lu ai masha tang hkrum ai wa rai nga ai. Shi gaw yawng a akyu ara matu ap nawng daw jau ai wa, kasi kamang la mai ai tara agyi, mara tam jeyang ai lam n galaw ai sha, makawp maga hkye la na matu daw dan ai chye ai wa rai nga ai,” ngu Wa sarabyin shakawn shagrau da ai.

“Shi gaw Karai Kasang a makawp maga lam woi ai npu e magam bungli hpe kang ka gun hpai ai wa rai nga ai; ndai lam ni a marang e shi gaw tara ai hku si hkam let Kabu Gara Shiga Sakse tai ai wa ai re” ngu mung sakse hkam da ai.

Masha shagu, grau nna tara agyi ni, shanglawt ai tara masa lam ni hpe makaw maga, sadi dung ai ni tai hkra A lu ai Rosario Livatino a kasi hpe sharin hka ja na matu Wa Sarabyin Francis n-gun jaw da ai.A lu ai Rosario gaw 1990 shaning hta Stidda hte Cosa Nostra hpung ni e gat sat hkrum ai Italy tara agyi rai nga ai.

Shi hpe A Lu ai masha shatai ai lam hpe Agrigento Cathedral hta galaw ai rai nna Cardinal Marcello Semeraro (prefect of the Congregation for Causes of Saints) woi awn nna tang da ai re lam chye lu ai.

09 May 2021, 12:33

https://www.vaticannews.va/en/pope/news/2021-05/pope-francis-beatification-rosario-livatino-mafia-corruption.html