Lhaovo Hte Lachid Laili Laika Hpe Gyin Shalat Da Ya Sai Sara Kaba Lucus Hawng Lum A Hkrang Bung Sumla Hpaw Poi Galaw Lai Wa

Hkrang Bum Sumla Hpaw Poi
Tuesday, April 09, 2019

Jinghpaw Wunpawng myusha,Lhaovo hte Lachid Laika hpe gyin shalat da ya sai, Sara Kaba Luka Lahung Hawng Lum a hkrang bung masat shadaw sumla hpaw poi lamang hpe 2019 ning April shata  4 ya shani Loi Hkam Mare hta galaw lai wa sai lam chye lu ai.

Sara Kaba a Hkrang bung sumla hpaw poi hpe 2019 ning April shata praw 4 ya jahpawt (6:00 ) aten Rev Q N Dau Gyung kawn akyu hpyi woi awn nna,Lashio Catholic Sasana, Wa Saradaw Philip Lasap Za Hawng akyu hpyi shaman ai hte Dap Ba up Du kaba Dau Hkawng, Lachid laili laika ginjaw hpung,Jinghpaw mung dat kasa Slg.Mading Ting Chan hte Lhaovo laili laika ginjaw hpung ningbaw Sara Z.Lum Zawng ni kaw nna laidi sumri pan grang rep di let hpaw la lu sai rai nga ai.

Sara Luka Lahung Hawng Lum a hkrang bung sumla masat shadaw hpaw poi hta Wa Saradaw Philip Lasap Za Hawng,Wajau Paul Zau Sam,Wajau Luksing Ying Bawm,Wajau Luigi Lum Dau,KBC hte Lhaovo Hka Lup Hpung na Hpung Up Sara ni,KDA na Du Up Daju Luksing Ting Htang,Du Up Jum Dau Hkawng,Du Up Jum Luksing Zung Hkaw,Sara kaba a jinghku jingyu ni,Alu madu ni sa du shang lawm lai wa ai.

Sara kaba Luka a hkrang bung sumla masat shadaw hpe shi a daidaw buga rai nga ai,Sam Mung Dingdung daw,Lashio Ginwang,Loi Dawng Ninghtawn,Hu Hku Loi Hkam mare na Sara Kaba kaji ten hta nga lai wa sai dum nta wang hta jun sharawt da ai lam chye lu ai.

Source: Seng Jaw 

Add new comment

7 + 3 =

Quick Links