Lashio Sasana Saguremwa, Wa Saradaw Philip Lazap Zahawng a, Saradaw aya hkam la ai, (25) ning hpring Gumhpraw Jubilee Poi galaw lai wa sai shiga (03 May 2019)

Lashio Sasana Saguremwa, Wa Saradaw Philip Lazap Zahawng a, Saradaw aya hkam la ai, (25) ning hpring Gumhpraw Jubilee Poi hpe, lai wa sai April Shata (30) ya shani, Lashio Yesu a Salum Ningsang Nawku Htingnu hta galaw lai wa sai rai nga ai. Ndai Jubilee chyeju shakawn Missa hkungga lamang hta Wajau ni marai (48), Mama ni marai (80) hte nawku hpung masha ni (2000) jan sa du shang lawm ai rai nga ai.

Wa Saradaw gaw, 1973 ning, March shata praw (1) ya shani jau tai wa nna, 1993 ning Dec 20 ya shani Myitkyina Saradaw ginwang a Ningtau Saradaw hku nna shatsam da hkrum let, 1994, April (30) ya shani gaw, Saradaw aya hpe hkam la lai wa sai rai nga ai. Lashio Saradaw ginwang a Sagurem, lit magam hpe gaw, 1998 ning, Oct praw (4) ya shani kawn magam gun hpai nga ai gaw, daini du hkra rai nga ai. Matut nna, Wa Saradaw ngwi pyaw hkamja kaja let, Saguhpung masha ni hpe lam woi awn hkamsa nga lu u ga matu, anhte hpung masha ni yawng kyu hpyi garum ya nga ga nna, Lashio Sasana hta magam gun nga ai, Wajau Lum Htun Awng kawn shana dat nga ai.