Lashio Sasana hta Saradaw Nnan Langai Bai Lu Sai

Wa Sarabyin Francis kaw nna, Wa Jau Kaba Lucas Jeimphaung Dau Ze S.D.B., hpe Myanmar mungdan Lashio sasana ginwang up saradaw tai wa na matu lata dang dat sai lam, Oct 18 ya shani Vatican kaw nna ndau shana dat nga ai.

Wa Jau Kaba Lucas Jeimphaung Dau Ze S.D.B., gaw 1962 ning October shata 17 ya shani Lashio sasana, Kyaukme, Hpa Phing mare hta shngai chyinghkai wa ai. 1996 ning April shata 21 ya shani Salesians Jau tai wa ai. 1996 ning kaw nna 2003 ning du hkra Pyin Oo Lwin, Anisakan

Salesians Jau tai jawng hta magam gun nna Jinghpaw hpung masha ni hpe woi awn lakawn ai lit hpe gun hpai lai wa ai. 2012 ning kaw nna 2017 ning du hkra Lashio sasana “Wa” ginra hta sasana magam gun hpai lai wa nna ya aten hta Pyin Oo Lwin Salesians Philosophy Jau Tai Dakkasu jawng up magam lit gun hpai taw ai Wa Jau rai nga ai.