Laban n-htoi hta amu bungli hpe gam kau nna Nawku amu hta sa lawm u, ngu ai lam hte seng nna tinang hkan sa ai lam hpe ding lik yu ai lam ni galaw na matu Wa Sarabyin tsun shadum dat nga ai shiga

Laban nhtoi hpe shachyoi shapra na matu matsun da ai Madu a matsun hpe hkan sa ai lam hte seng nna tsun shadum ai lam, lai wa sai bat masum ya shani San Peter pa kaba hta hpawng nga ai shawa hpawng hpe wa sarabyin Francis tsun shadum lam galaw lai wa ai.

Wa Sarabyin tsun ai hta, “laban shani magam bungli n galaw ai sha hkring sa ai ngu ai lam gaw, magam bungli galaw ai lam hpe koi kau na matu san san sha nrai nga ai, shi Madu a hpan da ai magam bungli kaw nna 7 ya ngu na nhtoi hta hkring sa la nna hpan da hkrum sai lam ni a mai kaja tsawm htap ai lam ni hpe sum ru dinglik yu ai lam ni galaw ai Madu a kasi hpe yu la hkan sa na matu rai nga ai. Hkring sa la ai ngu ai lam hta, shut ai hkring sa la lam hte jaw ai hkring sa la lam ngu nna nga ai, dai ni na prat hta ja gum hpraw lu lawm ai ni law law nga ma ai hte, hkring sa pyaw chyai shara ni de sa du hkring sa pyaw chyai mayu ai myit ni katu nga ma ai. Ndai myit masa gaw, tinang a nji nmu lam ni hpe pyaw chyai hpa lam ni hte jahpan kau na matu ngu ai myit masa rai nga ai. Ndai gaw hkring sa la ai ngu ai lam nrai, tinang a prat mabyin majing kaw nna hprawng yen hkawm ai masa sha rai nga ai.

Dai re majaw, dai ni na prat daram shing gyim masha ni hkring sa la lam galaw nga ma ai raitim, myit masin ban lu ai ngu ai nnga ai masa dai ni na prat zawn galoi mung nnga lai wa yu ai. Jaw ai, mai kaja ai hkring sa la lam ngu ai gaw shinggyim prat gaw kade tsawm htap nga ai ngu ai lam ni hpe bai sawn sum yu nna Karai Kasang hpe shakawn shagrau lam ni galaw ai, ndai asak chyeju kum hpa hpe jaw ya ai Karai Kasang hpe chyeju dum ai, shi a tsawra matsan dum lama lam ni hpe sum ru yu nna chyeju dum ai lam ni galaw ai lam gaw jet ai hkring sa la lam rai nga ai” nga nna Wa Sarabyin hkaw tsun lai wa ai lam Vatican shiga dap kaw nna shana dat ma ai.     

 

Source : Vatican News

Add new comment

6 + 13 =