Kungla shaman laban hta Covid – 19, tsimyam hkrum hkra nga ai ten tsawra myit hte daw jau nga ga nga nna, wa sarabyin lajin dat sai shiga.

Wa Sarabyin, Kungla shaman laban Misa hkungga hpe San Peter Nawku Htingnu kaba hta nawng jau ai rai nna, shi a mungga hpe  “Daw Jau lam” ngu ai ga baw hte hpaw hpang da nga ai.

Wa Sarabyin Francis gaw nawku hpung labau hta San Peter Nawku Htingnu kaw tinghkrai Misa Hkungga nawng jau ai shawng na Sarabyin tai mat sai labau shang mat sai lam Vatican kawn tsun da nga ai.

Hpung Masha ni nlawm ai sha Nawng jau ai Misa hkungga hpe Via internet, Radio hte Television ni hta shapoi ya ai rai nna, Dai Misa hkungga hta Masha seng Kaba gaw online hku shang lawm sai lam chye lu ai.

Wa Sarabyin gaw shi a mungga hpe San Paulu Philippi hpung masha ni hpang de shagun dat ai laika 2:7 hta na “Madu Yesu gaw shi hkum shi shagrip shanem nna, shangun ma langai a nsam hte dan pru wa sai” ngu ai karai hpaji hpe la nna hkaw tsun da nga ai hpe mu lu ai.

“Karai Mungga hta Yesu gaw Shangun ma zawn” ngu ga hpe sadi ai hte sumru la let “Chyoi Pra ai nhtoi ni hta Kasa Paulu a Karai Hpaji ga ni hpe hkap nga ga” nga nna Wa Sarabyin Matut shadum da nga ai.

 “Let us allow these words of the Apostle Paul to lead us into these holy days”, said Pope Francis, “when the Word of God, like a refrain, presents Jesus as servant”.

Wa Saradaw Tsun hpang ai hta “Anhte hkam la chye ai gaw, anhte ni gaw Karai Kasang hpe shawng sak jaw ga ai re” ngu ai rai nga ai. Kaja wa nga yang “Karai Kasang mahtang she anhte hpe shi a shawang tsawra myit kaba hte sak jaw ya nga ai lam re” nga ai rai nga ai.

 “Karai Kasang anhte hpe shi a asak hpe jaw kau ai du hkra sak jaw ya ai re; Shi dai zawn sak jaw ya ai gaw shagrit shanyem ai, myit galu kaba ai hte madat mara ai shangun ma langai zawn shi a san seng dik ai tsawra myit kaba hte sak jaw ya nga ai re” nga nna matut tsun sanglang dan da nga ai.

Karai Kasang gaw shi tsawra ai ni shi hpe gumle gumlau ai, ga sadi run ai, ap kau nyet kau, tawn kau da ai hpe hkrum nna, hkam sha yak la ai dai mahkrum madup kaba hte nan sak jaw ya ai re” nga nna mung jat tsun da nga ai.

Wa Sarabyin (Coronavirus Emergency) corona ana zingli hte seng nna ahkyak lana ra ahkyak ai ai lam hpe mung jahtum na mungga hta tsun da nga ai. “Daini na nhtoi ni hta, Mungdan shagu chyam bra nga ai ana zingli hpe makawk maga ai lam hta myit mada shara kaba tawn da ga tim, n jaw n ang ai makawp maga lam ni law law hkrum lai wa sai rai nna, ya dai lam hpe sharai la lu saga ai re; ‘Myit dating nga mu, nye a tsawra myit hpe hkap la na matu nanhte a masin salum hpe hpaw da mu. Karai Kasang jaw ya ai shalan shabran n gun hte nanhte hpe hkam jan lu shangun na hpe hkam sha lu na mit dai’” nga nna hpang jahtum n gun jaw da ai. Ndai zawn Covid-19 a tsimyam hkrum hkra nga ai ten shada daw jau nga mu nga Kungla shaman poi Misa hkungga hta Wa Sarabyin a n gun jaw mungga hpe Vatican shiga dap kawn April 5 hta ndau shana da ya nga ai hpe RVA kachin service kawn shalai ndau dat ga ai.

Source : Vatican News

#churchnews

#rvakachinservice