KMSS-Myitkyina hte Jau Ginwang Bawngring Magam gun (PDT) ni hkrum zup

KMSS-Myitkyina (Karuna Mission Social Solidarity-Myitkyina) hte Jau Ginwang Bawngring Magam Gun PDT (Parish Development Team) ni hkrumzup ai lamang hpe March 10, 11 ya (2 ya tup) Myitkyina San Columban Nawku Jawng Wang, Htap 3 Gawknu hta ngwi pyaw ai hte galaw la lu sai.

Mohnyin, Danai, Nam San Yang & Wai Maw (Uri Mungra Yang) Jau Ginwang ni kaw na PDT lit nga komati salang ni sa du shang lawm lai wa masai.

Hkrumzup ai lam a yaw shada ai lam ni gaw, arau lata gindun let jawm galaw gun hpai nga ai hpyen yen lakawn lanawn magam bungli ni, Jau Ginwang rawt jat bawngring magam lam ni bai sawn dinglik yu ai lam hte matut nna grau grau dam lada, ngang kang ai ladat ni hte bungli yi-ngam shachyen shaja sa wa lu na matu rai nga ai.

KMSS-Myitkyina gaw, PDT mu gun ni hte rau lata gin dun let Lawa, Mohnyin, Danai Jau Ginwang kata na hpyen yen ni madu buga de bai n’htang wa ai, ginra n’nan hta shara jahkrat ya ai (Return & Resettlement) magam bungli hte bawngring magam lam ni shakut shaja garum shingtau ya nga ai.

News - John Seng Latt Aung (KMSS)

Photo – KMSS-Myitkyina

#KMSS_Myitkyina

#rvakachinservice