Kenya Mungdan Hta Shawng Nnan Myi Di Jau Shatai

image from RVA English Website

2023 January 14, bat kru ya shani, Kenya Mungdan hta myi n mu ai Deacon hpe shawng nnan Jau aya tang ya ai lam chye lu ai. Shi a mying gaw Fr. Michael Mithamo King Ori rai nga ai. Kenya Mungdan, Kiamuiru Jau Ginwang, San Kiamuiru lawu tsang jawng npu htap hta, Kenya mungdan, Nyeri Saradaw Kaba Anthony Muheria kawn Jau aya hkam ya ai rai nga ai.

Laiklai ai Jau shatai ai lam langai rai nna, Karai Kasang a hpung shingkang dan hkrung ai lam re majaw Shi hpe chyeju dum shakawn ga ai, nga nna Catholic Church's Radio Maria Shiga Dap kaw ndau da ma ai hpe RVA kawn, January 18 ya shani shalai ndau da ma ai.

"Karai Kasang hte rai yang hpa lam hta mung byin mai lu ai" ngu ai ga gaw Jau aya hkam la ai wa a prat labau nan sakse rai nga ai lam mung shi la shi htawn ai wa tsun da ai. Dai shani myi di Deacon George Gionga Wamuyu, Deacon Mathew Karimi Njogu, hte Deacon John Wanjohu Nyiwia ni rai ma ai.

Tsa lam hku re ai Nawku Hpung shawa masha ni shang lawm ma ai. Jau nnan Fr. Mithamo gaw Jau tai jawng hta hpaji sharin hkaja nga ai aten hta myi n mu mat ai re lam chyelu ai. Deacon prat hta Kenya Mungdan, Nyeri Saradaw Ginwang hta ap nawng daw jau lai wa ai rai nga ai. Dai Saradaw Ginwang kata, Jau Ginwang manga shi masum (53) nga ai rai nna, 2019 shaning hpung masha jahpan hte maren, Kahtawlik Hpung Masha 560,000 nga ai re lam chye lu ai.

 

By Fr. Patrick Gawmaw Hkawng Yae

#catholicchruchradiomaria

#rvaenglishwebsite

#rvakachin

https://www.rvasia.org/world-news/kenyas-first-catholic-blind-priest-ordained

 

Add new comment

9 + 0 =