Kazakhstan Mungdan Kata Mung Shawa N-gun Madun Ai Shawa Masha Ni A Matu Wa Sarabyin Francis Akyu Hpyi Ya

photo from Vatican Website

January 9, Laban ya shani, Madu A Lamu Kasa Akyu Hpyi Ga, tsun ngut ai hpang Wa Sarabyin Francis gaw, lam ntsa mung shawa n-gun madun ai hpe Kazakhstan hpyen Asuya ni e zingri zingrat ai hkrum sha nga ai ni a matu akyu hpyi ya ai lam Vatican Shiga Dap kaw nna ndau da ma ai.

Mung Shawa N-gun madun ai masha law law si hkrum wa nga ai gaw masin salum kaw nna nan myit n pyaw, myit tsang nga ai lam Wa Sarabyin Francis tsun da nga ai.

 “Shanhte hte shanhte a kun dinghku nta masha ni a matu ngai akyu hpyi ya nga nngai hte shanhte mungdan kata hta tara rap ra ai hku man hkrum hkrum shaga nna prinem htingram lam hpe bai lu la na myit mada nga nngai” ngu Wa Sarabyin matut tsun da ai.

Simsa Lam Kanu Nu Maria mung Kazakhstan mung shawa masha ni yawng hpe karum shingtau ya u ga ngu akyu hpyi htinglu htinglai da ya nga ai.

Ya du hkra rai yang mung shawa n-gun madun ai hta shada jahte tam gasat hkat ai hta masha 150 a lahta de si hkrum sai lam hte 4,000 a lahta hte re ai masha ni mung rim zing da hkrum ma ai lam chye lu ai.

 

By Fr. Patrick Gawmaw Hkawng Yae

#vaticannews

#rvakachinservices

https://www.vaticannews.va/en/pope/news/2022-01/pope-francis-prayer-angelus-appeal.html

 

Add new comment

3 + 4 =