Karai Kasang A Chyeju Hpe Shakawn Ai

Sara Joseph Jangma La Doi :    : Shaning ( 30 ) ning du hkra Karai Kasang jai lang ya ai majaw grai chyeju dum  ai. Sasana hkrum lam hta ru ai yak ai lam gaw law law re. Raitimung ru ai yak ai lam ntsun ai sha, nchye n kaw raitim nawku hpung masha ni hpe woi awn lu ai majaw Karai Kasang hpe chyeju dum ai.

Lit hkam sara :  : Anhte buga masha ni a atsam hte gaw ndai daram kaba ai nawku jawng gaw gap lu na gara hku mung n mai byin ai. Yup mang pyi n mu ai re, anhte buga masha ni gaw hpung masha htinggaw n law ai, matsan ai, daini tam daini sha re ai kun dinghku dum nta ni law ai. 

Namsi Aung buga masha rai nga ai St. Franxavier Mama uhpung hta magam gun nga ai Mama Easther Nang Zing Hkawn Bawk hku nna shawng nnan mahkrun tam alu madu tam ya sia majaw Mama hpe mung grai chyeju dum ai hte alu ja gumhpraw law law bang garum ya sai alu madu ni hpe mung grai chyeju dum ai. 

Shiga - Julia Ja Ing