Kanu Kawa Ga Shagawp Shingjawng KumHpa Lu Ai Lam Ndau Shana

parents day

Hkristu hta hkungga tsawra ai RVA shiga madat nga Nu Wa hpu Nau ni dai ning 2020 ning July 26 ya shani gaw Chyoi Pra ai Nu Maria a Kanu yan Kawa rai nga ai. San Joachim hte San Anna yan poi nhtoi rai nga ai zawn anhte a chyeju madu Chying hkai  Kanu yan Kawa ni hpe shagrau ai poi nhtoi mung rai nga ai.Shingrai, Anhte RVA Jinghpaw Nsen shapoi dap kaw nna Kanu Kawa ni hpe Chyeju shakawn shagrau ai Masat hku nna, Ga Shagawp Ka shingjawng poi hpe galaw ai hta shanglawm shingjawng ai ni hpe lai wa sai ten ndau lai wa sai hte maren na No.1 to No. 5 kumhpa lu ai ni hpe hti ndau sa mat wa na ga ai. Ga shagawp ka shingjawng ai hta, No .1to No-5 lu mat ai ni gaw Masat 82 hte nambat manga lu mat ai wa gaw-Hting Nan jau ginwang,N Htan Zup mare hta shanu nga ai Luka Dingla Bawk Mai Naw-Masat 83 hte Nambat 4 lu mat ai wa gaw Shatapru Jau ginwang,Nawng Nang mare hta shanu nga ai Roza Pawm Doi Ra-Masat 85 hte nambat 3 lu mat ai wa gaw Namlim Pa jau ginwang,Munghkawng San Luka Hpyen Yen dabang hta shanu nga ai Magaret Lahpai Nang Htang –Masat 90 hte Nambat lahkawng lu mat ai wa gaw Myitkyina jau ginwang, Tatkone San Pya lawk kaw shanu nga ai Teresa Galung Hkai Lai lu mat nna masat 93 hte Nambat langai lu mat ai wa gaw Tanghpre jau ginwang, Aung min Thar mare hta shanu nga ai Jan. Mary Shingrai Ja Mai ni rai nga ai. Bai ndai Kanu Kawa Ga shagawp ka shingjawng poi hta shanglawm shingjawng ai ni yawng hpe mung Kanu Kawa Poi Masat hku nna, kumhpa shagrau mat wa na ga ai. Kanu Kawa shakawn shagrau Ga shagawp Ka shingjawng poi hta Nambat lu mat ai ni hte shanglawm shingjawng ai ni yawng July 26 ya shani kaw nna Myitkyina RVA ginjaw rung de Kumhpa ni hpe sa la mai sai lam ndau shana dat ga ai. Ya na zawn Anhte RVA Jinghpaw Nsen shapoi dap kaw nna galaw ai Kanu Kawa chyeju shakawn shagrau Ga shagawp ka shingjawng lawm ai ni hte Ga shagawp ni hpe myit galu hte  masat jaw ya ai tara agyi ni hpe mung ndang tsun hkra chyeju dum dat ga ai.

 

#parents

#rvakachinservices

Add new comment

6 + 8 =