Kahtawlik Nawku Hpung, Hpung Masha Kun Dinghku Prat Hte Seng Ai Lam Woi Hpung “Dicastery for Laity, Family, Life” Gaw De Ai (5) Ning Hpring Ladu Hkrum Masat Dingsat Nhtoi

photo from Vatican Website

Kahtawlik Nawku Hpung, hpung masha, kun dinghku, prat hte seng ai lam woi hpung hpe gaw de ai (5) hpring ladu hkrum masat dingsat nhtoi hpe August 17, bat 2 ya shani, angwi apyaw galaw la lu sai lam Vatican Shiga Dap kaw nna ndau da ma ai.

“Dicastery for Laity, Family, Life” hpung hpe, 2016, August 15 ya shani, Wa Sarabyin Francis, shi a Apostolic letter, “Sedula Mater htuk shapraw nna gaw de da ai rai nga ai.

Ndai Apostolic letter “Sedula Mater hte rau kun dunhku ni hte sak ram Ramma ni hpe yu lakawn, shanhte a prat hpe shatsaw sharawt ya na matu “Dicaster for Laity, Family, Life” rung daju magam gun ni hpe Wa Sarabyin Francis lit shatsam dat ai rai nga ai. Kanu nawku hpung gaw prat shagu hta shinggyim masha hte nawku hpung masha kun dinghku masha ni a prat hte seng ai lam ni hpe masin masa hkrang ni pru wa hkra, bawngban, htuk shapraw ndau let yu lahkawn makawp maga shatsaw sharawt sa wa na matu rai nga ai.

Nawku hpung kun dinghku prat hpe yu lakawn ai hpung hpe “the offices and personnel of the former Pontifical Council for life and the Pontifical Council for the Family” ni jawm pawng nna lit la sa wa na matu myit hkrum gaw de da ai rai nga ai. 

Statutes” of Dicastery for Laity, Family, Life, Hpung masha Kun dinghku prat hpe yu lakawn na matsun maroi hkrang masa tara hpe 2018, April 10 ya shani hta “ad experimentum” ngu ai laika ga baw ginlam hte Wa Sarabyin Francis hkum nan shagrin da ai rai nna, dai shaning May 13 hta tara shang sai lam mung lawm nga ai.

Ya aten hta, Cardinal Kevin Farrell gaw the Prefect of the Dicastery ngu ai lit hkam magam hpe gun hpai nga ai rai nna, Secretary lit magam hpe Wa Jau Alexandre Awi Mello, bai, dai Secretary a n pu hta magam gun nga ai yan gaw yu maya hpung masha yan rai nga ai Linda Ghisoni hte Gabriella Gambino ni rai ma ai. Dai rung hta magam gun ai kaga ni gaw mungkan shara shagu kaw na Jau, Ma Ma ni hte hpung masha ni rai ma ai.

 

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/vatican-city/news/2021-08/dicastery-laity-family-life-celebrating-5-years-service.html

 

Add new comment

1 + 19 =