Jnghpaw Mung  Asuya Magam Gun Uhpung Ni Myitkyina Sasana De Sa Du Jahkrum

18 April 2019 , Myitkyina

Jinghpaw Mung Hkringmang Daju, Dr.Hkyet Awng hte Asuya magam gun uhpung ni gaw 2019 April 18 ya jahpawt 9:00 AM ten hta Kahtawlik Sasana,Myitkyina Saradaw Ginwang de shaning ninnan shakram sa du jahkrum lai wa ma ai.

Hkringmang Daju Dr.Hkyet Awng hte kaga hkringmang Salang ni hpe Myitkyina Sasana Sagurem wa Wa Saradaw Francis Daw Tang, Chancellor Wajau Paul Wanghte Lum Dau, Mrsg Wajau Francis Zukdaw Lumdau,Chancella Rung kaw magam gun nga ai Wajau John Nhpum Mung Mai hte Mungbawng Hpung Salang ni, Ginjaw Numhpung ni kaw nna Mungbawng Rung Gawk kaw hkap tau hkalum hkrum shaga ai lam galaw ma ai.

Hkringmang Daju tsun ai hta " Mungdaw ngwi pyaw simsa lam hte galu kaba lam, hpyen yen ni tinang Buga ginra de bai wa nga lu hkra Kahawlik Nawku hpung hku nna shawnglawm shakut nga ai lam hpe chye ju dum ai lam, Anhte Jinghpaw Mungdaw hta byin nga ai manghkang lam,Mung shawa masha ni hkrum sha nga ai mayak lam ni hpe Asuya langai hkrai sha hparan galaw na matu n mai byin ai, Nawku Hpung kaw na Kanu Kawa myitsu ni hte hpung masha shagu shanglawm shakut jang she awngdang lu na re ai , Shaning nnan hta Sasana Ginwang up Wa Saradaw hte Jau Ma Ma Hpung Magam gun ni, hpung shawan masha ni yawng , ngwi hkam kaja ai hte lam shagu hpe galaw awng dang lu u ga" nga nna  tsun lai wa sai.

Wa Saradaw Francis Daw Tang hku nna mung, Asuya  Magam gun ni ya na zawn Nawku Hpung de sa du shakram ai majaw chye ju dum ai lam, Nawku Hpung hku nna Mungdaw a magam bungli lam ni hta mai byin ai daram shanglawm karum nga ai lam, hpyen yen hpu nau ni tinang dum nta de bai wa nga lu na matu Mungdaw Asuya  kaw nna ta tut matut manoi woi awn shakut ya na matu ra sharawng ai lam tsun lai wa ai.

Thomas