Jau Nnan Ni Magam Gun Ang Ai Shara Hpe Wa Saradaw Francis Daw Tang Tsun N-dau

November 17, 2018  (bat 6) ya shani galaw ai Deacon marai (5) hpe Wa Saradaw Francis Daw Tang a lata kaw nna hta ni hta na Jau aya hkam ya ai Jau Shatai poi hta Wa Saradaw Marai (5), Columban Jau ni, Myitkyina, Manmaw, Lashio Saradaw Ginwang hte Myanmar Mung na Wa Jau ni Marai (90) sa du shanglawm nna hpung masha hkying kru (6,000) jan sa du shang lawm wa sai re.

Jau shatai Missa hkungga ngut ai hpang, Myitkyina Saradaw Sasana lit hkam sagurem wa, Wa Saradaw Francis Daw Tang gaw Wa Jau nnan ni a magam gun ang ai shara ni hpe mung n-dau ya sai rai nga ai.

Wa Jau Luka Marawng Zau Tu gaw Danai Jau Ginwang,Wa Jau Francis Jangma Awng Li gaw Hpakant Jau ginwang,Wa Jau Peter Bunghku Naw Lawt gaw Myitkyina Jau ginwang,Wa Jau Peter Lagai Tu Hkawng gaw Diocese Curia Rung hte Wa Jau John Nhpum Mung Mai gaw Chancellery Rung kaw magam gun sa wa na re lam chye lu ai.

John Mung Hkrang