Jau ginwang Nnan hte Jau nta shaman poi galaw la lu

N Jang Dung
Jau ginwang Nnan hte Jau nta shaman poi galaw la lu
 
Myitkyina Saradaw Sasana,Myitkyina jau ginwang kaw nna daidaw hpaw jat la lu sai N Jang Dung Jau ginwang nnan hpaw shaman poi hte ginwang up Jau nta nnan hpaw shaman poi hpe Myitkyna NJang Dung lawk San Pawlu Nawku jawng wang hta (20/12/2022) ya shani Wa Saradaw kaba Cardinal Charles Bo kaw shaman hpaw ya dat sai.
 
Ndai jau ginwang nnan hpaw shaman poi hta N Jang Dung Jau ginwang nnan ginwang up lit magam gun hpai sa wa na matu Wa Jau kaba Patrick Zinwa Brang Di hpe lit magam ap ai hte ginwang up lit magam gun hpai sa wa na matu ga sadi hkam ai lam ni mung galaw lai wa sai rai nga ai.N Jang Dung jau ginwang gaw Myitkyina Jau ginwang kaw nna lahkawng ning lapran Masum (3) ngu na jau ginwang hku nna garan hpaw jat la lu ai jau ginwang rai nga ai.N Jang Dung jau ginwang hta Njang Dung,Rada Kawng A-B,Chya Ra Patti A-B,Nam Jing Mare,Ti Win,Ngaw Chang lawk ni shanglawm nna hpung htinggaw Mali Tsa (400) jan shanglawm nga ai rai nga ai.

Add new comment

5 + 9 =