Jan Pawm Roi Tawng Hte Hkrum Shaga Lam Galaw Da Ga Ai

Facebook ntsa Cele Mama nga nna mying gumhkawng nga  ai,Aung Min Thar mare mahkrai pawt kaw  သံယောဇဥ် ကြိုးတံတား ngu ai lusha seng hpe hpaw tawn da ai    Jan Pawm Roi Tawng hte hkrum shaga yu ai shaloi dai shara hta na lusha seng ni gaw Jan Roi Tawng shawng nnan dut hpang ai re lam tsun dan ai.

Jan Pawm Roi Tawng gaw ya ten Covid-19 ana zinli hkrit tsang ra ai majaw lusha seng nmai hpaw ai rai nna Tanghpre Mazup mali hka kaw kasha ni hte rau ja htu taw ai lam tsun dan ai.

Shara shagu hkan nga ai Wunpawng Myusha ni yawng ndai ana zinli a majaw myitru myit garen ai lam n nga ai sha Karai Kasang kaw akyu hpyi manoi manat nna hkawm sa ga,Karai Kasang hpe galoi rai tim nmai malap ai nga nna mung tsun dat nga ai.

Hkrum Shaga da ai - Julia Ndawng Ja Ing (RVA magam gun )