Islamic ni Hagai Sophia kaw (86) ning lapran shawng ningnan akyu hpawng galaw ai

Islamic akyu hpyi hpawng hpe Hagai Sophia Htingnu kaw lai wa sai July 24, bat 5 ya shani hta (86) ning lapran shawng ningnan galaw hpang ai re lam chye lu ai. Wa Sarabyin gaw July 12 ya shani hta shanhte hte seng nna “grai myit n pyaw ai” ngu tsun da ai.

Hpa majaw nga yang dai Shara gaw Hkristan masha ni a shara rai nga ai rai nna, mungkan shara shagu na bu hkawm ni sa du hkawm ai shara rai nga ai.

Shang chyinghka kaba garai nhpaw shi yang Istanbul dingsa kaw hpawng nga ai hpe TV kaw madun da ma ai. Ningbaw kaba Recep Tayyip Erdogan gaw lak san manam tsa kaba hte rau akyu hpyi ai lam hpe bat 5 ya shani galaw ai rai nna, dai kaw du hpawng ai masha 20,000 lahta de nga ma ai.

Erdogan gaw Muslim akyu hpyi hpawng hpe labau shang Hagia Sohpia kaw July 24 hta galaw na matu July 11 hta shapraw ai aming (upadi) hpe shapraw da ai.

Makam masham garan ginhka ai lam byin pru wa na hpe Makam masham ningbaw ningla ni hte mung masa ningbaw ning la ni tsang nga ma ai.

July 12 ya shani “Madu Lamu Kasa Akyu Hpyi” ten, Wa Sarabyin Francis gaw Hagia Sophio kaw galaw ai ndai lam hte seng nna myit grai n pyaw ai lam tsun da ai.

Htingnu hpe 1934 kaw makam masham hpung hpe hkrang hte bung ai hku n lung hte gaw gap da ai rai nga ai. Maigan hkrun lam hkawm ni law law sa du chyai ai sharai tai wa nna, 2019 shaning hta sa du hkawm ai masha wan 3 jan re ai lam chye lu ai.

Hagia Sophia gaw mungkan madang maigan masha ni du hkawm mai ai shara masat da ai.

Hagia Sohpia gaw shingyim masha yawng hte seng ai shara re ai ngu Eastern Orthodox Ecumenical Patriarch Bartholomew I tsun da ai.

Dai shara gaw mungkan hte seng ai labau shang madun htingnu langai re ai rai nna, Turkish kawn dai shara hpe bai gram shatsawm da ai lam hpa nnga shi ai ngu UNESCO kawn tsun da ai hpe Vatican shiga dap kaw ndau da ma ai.

24 July 2020, 13:21

https://www.vaticannews.va/en/world/news/2020-07/hagia-sophia-muslim-friday-prayers-after-opens-as-mosque.html