Ireland Mungdan gaw Hkringmang Daju Nnan Lu la sai shiga

Ireland Mungdan a Mung masa party kaba ni hta na ninbaw langai rai nga ai Leo Varadkar hpe Hkringmang daju hku nna galai bang sa wa na re lam chye lu ai

Mungdan Rapdaw  hte hkrum ngut ai hpang, Bat Kru ya shani hta Ireland mungdan a Fianna Fail Party a ningbaw rai nga ai Mr. Micheal Martin hpe Taoiseach, shing nrai, Hkringmang daju hku nna lata shatsam da lai wa sai re. Martin gaw Rung a (Seal) dasik hpe la na matu Irish Gumsan Magam rai nga ai Micheal D Higgins hte hkrum sa wa na re lam hpe myit mada da ma ai.

Mung masa party masum rai nga ai Fianna Fail, Fine Gael the Green party ni gaw Hpawng chyawm myit hkrum ai lam hpe ra lata ngut ai hpang shi gaw ra lata ai lam hpe hkam la sa wa na rai nga ai. Irish Rapdaw hta grau dam lada ai magam lit hpe lu la na matu Kaba dik (centre) daju –right party lahkawng gawGreen party a madi shadaw lam hpe ra gadawn nga ai re.

Mr. Martin a Hkringmang hpung nnan gaw Bat kru ya shana daw de hkrum sa wa na ma ai rai nna,  mungdan a lahta tsang rapdaw hpung, shing nrai, Senate hpung malawm ni hpe satsam sa wa na rai nga ai. Ndai party lahkawng gaw Irish mung masa n gun kaba  hku shaning lada law law nga lai wa sai rai nna, Ireland mungdan majan 1920 ning jan hta e hpaw hpang wa ai party ni rai nga ai.

Translated by Fr. Vicent Shan Lum

Source : Vatican News

#churchnews

#rvakachinservice

Add new comment

13 + 0 =

Please wait while the page is loading

Ireland Mungdan gaw Hkringmang Daju Nnan Lu la sai shiga | Radio Veritas Asia

Error

The website encountered an unexpected error. Please try again later.