Indonesia Kahtawlik Shiga La Masha Ni Simsa Lam Shatsaw Sharawt Yaw Shada Let Wa Sarabyin Hte Hkrum

image from RVA Website

Indonesia mungdan na Kahtawlik shiga la hpung (Paguyuban Wartawan Katolik Indonesia-PWKI) gaw November 16, bat masum ya shani, Vatican na San Peter Basilica Nawku Htingnu hta Wa Sarabyin hte hkrum zup ma ai. Hkrum zup ai yaw shada lam gaw mungkan simsa lam lu wa na matu shang lawm magam gun sa wa lu na matu re lam chye lu ai.

Indonesia tara hte Abu Dahbi simsa lam ni hpe ndau shachyam shabra sa wa lu na yaw shada let hkrum zup bawngban ai re lam, Indonesia Kahtawlik shiga la hpung (PWKI) a ningbaw hpa-awn, Mayong Suryolaksono tsun ai.

Abu Dhabi Peace Document hpe Wa Sarabyin Francis hte Grand Imam Ahmed EL Sayyeb yan lawn lai wa sai 2019 February shata hta ta masat sign htu da sai re lam chye lu ai.

Dai shaloi Wa Sarabyin hpe laklai kumhpa manga sak jaw lai wa ai hta Jakarta archbishop Cardinal Ignatius Suharyo sak jaw ai "Our Lady of All Tribes," Nu Maria sumla hte Governor of the Yogyakarta Special Region na Sri Sultan Hamengkubuwono X a sumla mung lawm ai lam chye lu ai.

Wa Sarabyin Francis mung dai sumla ni hpe hkap la lu ai majaw grai myit pyaw ai lam, dai shaloi nga ang ai Markus Solo, a divine word priest, tsun sakse hkam da nga ai.

Indonesia mungdan shiga la hpung ni a yaw shada bandung gaw Kahtawlik media hpung shagu hte rau, mungdan shagu, mungkan ting, Kahtawlik Nawku Hpung a makam, htunghking lailen ni hpe shachyam shabra nna, kahkyin gumding ai mungdan hpe gaw gap na matu rai nga ai.

Fr. Patrick Gawmaw Hkawng Yae

#rvaenglish

#rvakachinservice

https://www.rvasia.org/church-asia/indonesian-catholic-journalists-meet-pope-promote-world-peace

 

Add new comment

3 + 9 =