India mungdan kaw shata lahkawng lapran (5) lang ngu na Hkristan num sha sat hkrum ai shiga

India mungdan, Khunti Saradaw, Binay Kandulna gaw Jharkhand kaw Hkristan Num sha sat kau hkrum ai hpe nawku hpung masha ni hkam sharang ga ngu n-gun jaw da ai.

Jharkhand Mungdaw, Khunti mare kaw shanu nga ai dai Num sha gaw Hkristan makam masham hta ngang hkang ai hku sak hkrung nga ai wa rai nna, aten shagu hta dingbai dingna jaw hkrum ai wa rai nga ai.

Shi a mying gaw Suman Munda rai nga ai. Asak 25 ning hpring sai dai num sha gaw July 19 ya shani, shi a jinghku jing ni kaw sa du gawan na matu pru mat ai rai tim dai shara de ndu wa ai hpe chye ai jinghku ni shi hpe tam sawk sagawn ai shaloi shi a hkum tsawp moi mang hpe sha bai mu lu ma ai.

Ndai mabyin gaw India kaw Hkristan masha ni sat hkrum ai hta, shata lahkawng laman bying ai 5 lang ngu na mabying rai nga ai.

Lai wa sai, June shata hta 27 ning rai sai Ramji Munda hpe India sinpraw maga Jharkhand na Khunti kaw si taw ai hpe bai mu la ai.

Ndai zawn bying ai lam ni gaw hkrak teng sha bying lai wa sai re; hpa majaw nga yang lai wa sai aten kaw sha sat kau hkrum ai mabying sakse ni nga ai,” ngu Khunti Saradaw Binay tsun wa ai.

Mungdan asuya balik ni ndai lam hte seng nna sawk sagawn ai lam ni galaw nga ai lam chye lu ai.

Buga Jau tsun ai hta dai num sha gaw lai wa sai shaning 6 daram kaw sha Hkristan hpung de shang wa ai num sha re lam chye lu ai. Dai ginra hta ya matut nna mung hkrit tsang ra nga ai ngu mung matut tsun shadum da ai. “Dai majaw anhte a Hkristan hpung masha ni ayai aya bying mat na hpe grai tsang nga ga ai” ngu nna buga jau a hkam sha lam hpe mung tsun da ai.

“Masha Hkum shagu a Makam Masham gaw Karai Kasang a hpan da magam re ai majaw yawng mayawng hpe hkungga lara di ra ai; manu shadan ya ra ai,” ngu Saradaw Khandulna tsun da ai.

“Rai tim, Sut hpaka ga ai wuhpung wuhpawng nkau ni gaw simsa lam hpe manu shadan ai masha ni hpe nju ndawng ai myit hpe mungdan kata shachyam shabra nga ma ai” ngu matut tsun da ai.

“Masha asak gaw manu dan ai re majaw, masha sat ai amu hpe jahprap ga ai; dai zawn galaw ai ni hpe ahkyak la tara je yang na matu mung ra sharawng ga ai” ngu mung tsun da ai.

May 25 hte July 10 lapran hta sha La sha 1, num sha 1, ramma kaji 1, hte jau 1 sat hkrum lai wa sai lam chye lu ai. Ndai mabyin ni gaw Chhattisgarh, Jharkhand, Odisha hte Maharashtra ni hta bying lai wa ai rai nga ai.

2019 shaning lapran dai zawn byin lai wa ai mabyin 527 lang, 2020 nhtum shi yang 293 lang bying nga sai lam Vatican Shiga Dap kawn ndau da ma ai.

24 July 2020, 14:39

https://www.vaticannews.va/en/church/news/2020-07/india-bishop-laments-killing-of-christian-woman.html