Hpyen Yen Hprawg Shakram Kau Da Sai Mare Buga De Bai Nhtang Wa Nga Ai Hpang Na Mahkrum Madup Lam Ni

Buga de bai wa ai ten hta gaw galaw lu galaw sha lam hte rawt jat ai lam, bawng ring ai lam ni hta masing hpe jau nna hkyen lajang ai da ai rai yang she grai wa yak hkak ai, dut dang ai lam n nga na hpe mu mada ai.

Shawng hkyen lajang da ai lam n nga ai rai yang dum nta kaw jai lang na arung arai ni yawng hten za mat sai re majaw bai gawgap la na matu yak hkak ai lam ni grai nga ai.

Hpyen yen hkan nga taw ai ni Buga de bai wa na rai yang shawng wa nga sai ni hte jahkrum jahkrup lam galaw nna, masing gran da nna galaw yang she yak hkak ai lam ni yawm na re lam hpaji jaw garan kachyan da ai.