Hpawmi Myu Shayi Kanu Langai San Pra Masha Dang Na Matu Sawk Sagawn Hkrum Ai Kaw Lawm Ai Shiga

August 30, bat langai ya shani Vatican Shiga Dap kaw nna ndau da ai hta san pra masha tang na matu masha marai masum (3) a lam sawk sagawn hpang nga sai lam ndau da ma ai.

Langai gaw 2001 shaning hta “A Lu Ai Masha” dang hkrum ai yan a kasha Enrica Beltrame Quattrocchi, langai gaw Franciscan Friar Sasana Hpung kaw na Placido Cortese, langai gaw Itay myusha Maria Cristina Cella Mocellin rai ma ai lam chye lu ai.

Shanhte gaw Karai Kasang a tsaw ra matsan dum la ma ai hte shi a mara dat hkyamsa ai hpe myit mada lai wa ai ni rai ma ai.

Bat langai ya shani, Prefect of the Congregation for the Causes of Saints lit hkam Cardinal Marcello Semeraro hte Wa Sarabyin Francis hkrum ngut ai hpang ndai marai masum hpe san pra masha dang na matu hkyen hpang wa ai re lam chye lu ai.

Maria Cristina Cella Moellin gaw 1969 August 18 ya shani Milan hta shangai chyinghkai wa nna, Carlo ngu ai wa hte hkrum ai hpang 1991 shaning hta shi hte hkungran ga shaka hkam dinghku de hpang ai rai nga ai.

Maria Christina Cella Moellin gaw kasha masum ngu na wa hpe ma hkum rai nga ai aten machyi kaba hkrum tim dai ma hpe matut gun let shangai la lu ai. Dai kasha hpe mung Riccardo ngu shamying la ai. Dai majaw shi gaw “Riccardo gaw an a matu kumhpa re” ngu Karai Kasang hpe chyeju dum ga tsun da nga ai. Maria Cristina gaw cancer ana hte asak 26 sha naw rai yang n nga mat ai rai nga ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2021-08/young-mother-of-three-among-those-whose-causes-are-advancing.html