Hkristmas Hta Mungkan Simsa Lam A Matu Akyu Hpyi Ga

Wa Sarabyin hte hkrum shaga ai latest interview lamang hpe December 17, bat manga ya shani, Vatican Shiga Dap kaw nna ndau na ma ai. Interview galaw ai gaw ABC Editor, Julian Quiros hte ABC Vatican lit hkam ai Javier Martinez-Brocal yan rai nga ai.

San: Wa Sarabyin A lahput zeng sai kun?

Htai: Ngai lam hkawm nga sai. Ga tsi n galaw na hku daw dan ai jaw mat ai. Grai kaja ai zawn nga hkam sha ai (mani let), rai nga ai, ngai gaw asak kung sai, masha ni, nang dai ram rai yang gaw zeng naw rai nga ai, ngu tsun na prat hta rai sai.

San: Wa Sarabyin, wheelchair hte rai nga ai hpe mu ai majaw aten lamang ni n lu hkan na shadu lai wa tim, Wa Sarabyin gaw masat da aten lamang hta lai nna law law naw lu galaw ai hpe mu ai......

Htai: Nang up hkang ai gaw na a bawnu hte re, na a lahput hte n re.

San: March 13 ya shani gaw Wa Sarabyin a (10) ninghpring Sarabyin tai n'htoi rai sai. Wa Sarabyin lata la hkrum ai shaloi anhte hpe mau mahka mat ga ai.....

A: Ngai na hkum ngai mung mau ai. Sarabyin ningnan lata lamang ngut ai hte Buenos Aires de "kungla shaman poi" dep bai wa na matu nbungli lakmat galaw da ngut sai. Myit gaw simsa let sha re.

San: Sarabyin prat hpe gara hku sharin hkaja la ai kun?

Htai: Ngai gara hku sharin la ai, n sharin la lu ai, ngu ai lam ni hpe, ngai hkrak n chye tsun dan ai.....Labau gaw nang nga ai shara kaw nang hpe rim la ai re.

San: Sarabyin prat hta yak hkak dik gaw hpa re ngu mu ai kun?

Htai: Lam ntsa ni hta n lu hkawm ai, pru sa hkawm n lu ai. Buenos Aires kaw naw rai nga aten, wanglu wanglang rai lai wa ai. mung shawa masha law law jawn ai nbungli hpe jawn lai wa ai, masha ni gara hku hkawm sa shamu shamawt nga ma ai hpe mu mayu la ai.

San: Ya mung masha law law hte hkrum lu ai le.

Htai: Masha law law hte matut mahkai hkrum lu ai gaw ngai a matu n-gun tai ai. Dai majaw bat masum ya shani hpung shawa masha ni hte hkrum shaga ai hpe galoi n hprai ai, dawm ma n dawm kau ai. Raitimung, lam ntsa hkawm nna masha ni hte hkrum shaga ai lam n nga wa ai. Shanhte gaw Sarabyin hte hkrum na matu nga nna sa ma ai. Moi ngai Cardinal naw rai yang, lam ntsa pru hkawm sa ai, masha ni ngai hpe n matsing ma ai, n chye ma ai.

Ya nga ai Santa Martat kaw gaw, masha law law hpe nang mu na re. Nkau ni gaw shanhte a myit lawm ai hpe ahkaw ahkang la ma ai, Sarabyin hte hku hkau manang wa re ngu mu la shangun mayu ma ai. Lai sai kru ning, sanit ning daram aten hta, Argentina gumsan magam hkam la na wa langai Missa Hkungga sa lawm ai. Shanhte ni sakristy shinggan kaw sumla gayat ma ai. Dai hpe mung masa a matu hkum jai lang u, ngu ngai naw shadum dat ai. Tsang n ra ai, kam mai ai, nga nna shi bai htai ai. Bat gade nna yang, Buenos Aires mare kaba ting kaw dai sumla ni shakap da ma ai. Teng ai, nkau ni gaw shanhte a akyu ra matu ngai hpe sung lang ma ai. Anhte gaw Karai Kasang hpe madung kam hpa ga ai. Dai majaw ngai zim sha nga mat ai.

San: Wa Sarabyin a ga hkaw shagu a matu sadi maja ra ai gaw grai nan yak na re i?

Htai: Kalang lang gaw, ngai tsun lai wa ai ga ni hte shanhte ni ra ai, byin mayu ai gabaw de gang bang la chye ma ai. Wa Sarabyin ndai hku tsun ai, nga nna tsun ma ai, teng ai, raitim, hkrak teng ai, jaw ai masa lam hte tsun lai wa ai. Ngai tsun mayu ai hte lachyum shai ai rai yang gaw kaga lachyum de rai ma na sha re.

San: Wa Sarabyin zawn kadai mung wanglu wangla hkrum shaga ai interview hpe n hkap la ma lai wa yu ma ai.....

Htai: Aten ladaw n bung sai, galai shai mat sai. 

San: Ndai Hkristmas a matu nhpa kumhpa hpyi na rai?

Htai: Mungkan simsa lam. Ndai mung kan hta majan gade sha law nga ai rai. Ukraine majan gaw ngai hpe grai hkra machyi shangun ai. Dai hte maren, Myanmar, Yemen, Syria ni hta mung majan byin ga ai. Shaning law law rai sai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/pope/news/2022-12/pope-francis-gives-interview-to-spanish-daily-abc.html