Hkristan Ni Kahkyin Gumdin Wa Lu Na Matu Ginlung Akyu Hpyi Hpawng Galaw

Myitkyina Christian Council ( MCC ) kawn woi awn let shaning shagu galaw ai Hkristan ni ginlung kahkyin gumdin wa lu na matu akyu hpyi hpawng lamang ( Unity Service ) hpe ( 19.1.2022 ) ya shana de ( 6:00 ) PM aten Aung Nan lawk na St. Columban Cathedral Nawku Htingnu kaba hta galaw la lu sai.

( 18.1.2022 ) ya shana de mung Thida lawk na Anglican Cathedral Nawku Htingnu kaba hta galaw lai wa sai re.

Hkristian ni kahkyin gumdin wa lu na matu ginlung akyu hpyi hpawng lamang hpe shawoi shaning hkan gaw January shata (18 - 25 ) ya shani du hkra nhtoi ( 8 ) ya galaw ai raitim ya aten masa na Covid ana zinli hte mung masa n sim sa ai lam ni a majaw lai wa sai 2021 hta Jaunuary shata ( 18 ) ya shani, lani mi sha galaw ai rai nna, daining 2022 ning hta gaw January ( 18 ) hte ( 19 ) lahkawng ya sha, galaw byin ai re lam MCC amu madu tsun ai kaw na chye lu ai.

Myitkyina Christian Council byin hpang wa ai lam hte yaw shada lam, MCC ni woi awn galaw taw ai lam ni hpe interview lamang hta hkum tsup ai hku bai madat la lu na ga ai.

#Unity_Service

#RVA_Kachin

Add new comment

1 + 1 =