Hkristan Hpung ni gahkying gumdin lam galaw hpang ai (60) ning hpring hta kahtik kahtawk, n hkrum n ra lam kaw na gahkying gumding lam de hkawm sa nga sai Lam Shiga

Lai wa sai 1960, June 5 hta Wa Sarabyin Yawhan XXIII Secretariat for Promoting Christian Unity, Hkristan ni gahkying gumding lam hpe gaw gap hpaw hpang da lai wa sai lam chye lu ai.

 Hpang de gaw Pontifical Council for Promoting Christian Unity (PCPCU) ngu shamying wa ai. De a hpang (2) ning rai jang lahkawng lang ngu na Vatican Council zuphpawng galaw ai.

Jau Avelino Gonzalez-Ferrer gaw (PCPCU) hte seng nna matut mahkai hkrum shaga ai lam hta lawm ai rai nna, Vatican II zuphpawng gaw mungkan hta nga ai Hkristan ni a matu ahkyak ai lahkam kaba langai mung rai nga ai ngu shi hkum nan tsun da nga ai.

Ma Ma Bernadette Reis hte san htai shaloi Jau Gonzalez-Ferrer tsun dan ai hta (PCPCU) nga wa ai marang e, Hkristan ni nga ai shara shagu de du shang wa lu ai. Hkristan ni a shada hkalum la ai lam mung, shada akyu jaw hkat wa ai ngu tsun ai.

Sarabyin Rung kaw na Kaga lam hku matut galaw ai magam ni hpe 1993 shaning htuk shapraw ai, matsun laika hta matsing rawng ai lam chye lu ai. “Kahtawlik Nawku hpung, wuhpung ni gahkying gumding na lam galaw ai gaw shi a masing masa nan rai nga ai. De a matu nan mung akyu hpyi ai hte ta tut hkan galaw nga ai rai nga ai,” nga nna jau Gonzalez-Ferrer matut tsun ai.

Hkristan Nawku hpung Council bying tai nga hpang wa na matu, Sarabyin Rung kawn shachyan hpang wa sai rai nga ai. Kahtawlik Nawku hpung gaw World Council of Churches hta malawm mying n rawng ai raitim, makam masham hte, gaw da hkrang masa hta lawm ai re. Dai masa hta matut mahkai nga ai gaw makam masham hte mahku mahkau magam bungli ni hta, arau sha jawm galaw nga ga ai lachyum rai nga ai nga nna Jau Gonzalez-Ferrer tsun da ai shiga hpe Vatican kawn ndau da ai.

#churchnews

#rvakachinservice