Hka Panglai hta Masha Law Law Asak Hkrat Sum Mat Sai Mabyin A Majaw Wa sarabyin, Grai Myit Yawn Gawng Run Nga Ai Shiga

 

Hka Panglai hta Masha Law Law Asak Hkrat Sum Mat Sai Mabyin A Majaw Wa sarabyin, Grai Myit Yawn Gawng Run Nga Ai lam

Wa Sarabyin Francis gaw “ Hka Panglai hta masha law law asak hkrat sum mat wa sai mabyin hte seng nna grai myit yawn, myit n pyaw ai lam hpe Greece kaw nga ai “Apostolic Nuncio” hpang de “Telegram” hku nna shiga jaw laika langai sa dat ai.

Hka Panglai Daru makau kaw htawt sit nna nga ai masha ni hpe htaw wa ai Sanghpaw jahten hta hkrit kajawng hpa mabyin lam ni hte seng nna, grai yawn myit n pyaw nga ai lam hpe June 14, bat (3) ya shani hta Greece kaw nga ai “Apostolic Nuncio” Archbishop Jan Romeo Pawlawski hpang de shiga shana laika langai sa dat sai.

Shawng daw lu ai Shiga hta gaw masha mari (78) si hkrum nna, masha marai (100) jan hpe gaw lu hkye sai shaw la ai lam na chye lu ai. Raitimung Sanghpaw kata hta ma ni mada rai yang masha marai (750) daram hkan jawn lawm wa ai lam hpe asak hkrung nna ngam nga ai masha ni hku nna bai tsun dan lai wa sai lam chye lu ai. Hka Panglai Daru makau kaw htawt sit nna nga ai lam gaw kaba dik Hkrit kajawng Hpa yawn hkyen mabyin Langai re ai lam hpe masam maram yu ai masha ni kaw na sadi jaw tsun lai wa ma ai.

Vatican Secretary Of State, Cardinal Pietro Parolin gaw “Telegram” hta Wa Sarabyin gaw “ Greece Mungdan Hka Panglai Daru hta Sanghpaw Hten nna asak si hkrum mat sai masha ni a matu grai myit yawn myit npyaw nga ai lam” hpe mung ka mara da nga ai.

Hka Panglai Daru hta Sanghpaw hten nna asak si hkrum mat sai masha ni a matu, Shanhte a tsawra ai dum nta masha ni a matu hte Ndai hkrit kajawng yawn hpa mabyin a majaw myit npyaw myit ningma hkrum nga ai ni yawng a matu, Wa Sarabyin hku nna karum ningtum galaw nga ai ni hte yak hkak jam jau hkrum nna myit yawn nga ai ni hpe “ hkam jan lu ai atsam, ra kadawn nga ai N-gun Marai ningnan hte myit mada lam ningnan ni hpe” hkam la lu na matu Karai Kasang kaw akyu hpyi ya nga ai lam na chye lu ai.

 

https://www.vaticannews.va/en/pope/news/2023-06/pope-francis-sends-telegram-condolences-migrants-tragedy-greece.html

Add new comment

5 + 11 =