Europe nga Wunpawng sha ni a hkrum zup hpawng galaw nga ma ai shiga, July 30, 2018

Europe mungdan nga Wunpawng sha ni a (5) lang ngu na hkrum zup bawngban hpawng hpe ndai July shata 26 ya shani kaw nna 30 ya shani du hkra Germany mungdan Meschede Muklum hta  galaw nga ma ai.

Ndai zuphpawng hta Europe mungdan (9) kaw na Wunpawng sha ni marai latsa (100) jan sa du shang lawm nga nna, mung masa lam, makam masham lam, htung hkring hte laili laika ngu ai ga baw 3 hpe madung da let jahkrup  bawngban nga nna ginsup lamang hkum hkra mung lawm ai lam chye lu ai.

Matut nna shada myit hkrum let amyu sha lam yan hta mungkan ting nga ai Wunpawng sha ni rau gara hku ta gindun let jawm galaw sa wa yang mai kaja na ngu ai lam ni hpe mung jahkrup bawngban nga ma ai lam chye lu ai.

Add new comment

1 + 4 =