Ethiopia mungdan hta Mungkan a Shingra maka makau grupyin masat nhtoi (World Environment Day) masat dingsat mying hte hpun billion 5 hkai na yaw shada ai shiga

Mungkan hta Covid -19 tsin-yam chyam bra nga ai ten, Mungkan Shingra masa nhtoi masat dingsat hte Ethiopia mungdan Gumsan Magam (President) gaw hpun billion 5 (Wan Hkying Manga) hkai na masing langai hpe yaw shada myit kaba hte jahkrat dat nga ai.

Ndai shaning hta sha mungkan shadang hta kasi la matsing shadang tsaw dik ai lam langai hpe Prime Minister Abiy Ahmed kawn lani mi hta sha hpun Seng 2000 (200 million) hkai na matu Mungdan masha ni hpe hpyi shawn lit shatsam da lai wa sai.Dai zawn galaw hkai ai hta htam masum hta na htam langai lahta nga ai hpun ni gaw ga htu ai hta ning ra ai majaw marang hka hta yawng mat mat ai lam chye lu ai.

2011 shaning na Nobel kumhpa lu lai wa sai Ahmed gaw dai zawn myit htum hpa bying lai wa sai mahkrum madup hte Ethiopia Mungdan hpe tsit tsawm mungdan shatai nna, sut masa lam hta mung akyu ara lu la na lam myit mada let shadut n gun jaw na matu myit daw dan da ai rai nga ai.Hkai rem kung kyang ai hpaji ninghkring ni gaw hpun kawa htum mat wa nna lamu ga krin wa ai shara ni hta mung masha ni hpun tum ni hpe bai hkai shaprut ya ai a akyu ara kade kaba wa na lam ni hpe sang lang dan na matu seng ang ai mung up du ni hpe kadun ai hku tang shawn da ma ai.Mung masha ni dai zawn hpun hkai ai hta lani mi sha shang lawm ai hku nre ai sha, shaning tup hta shang lawm ai ladat shaw ra na re lam madi madun da ma ai.Aten galu gring ai hpun hkai ladat hpe bai gaw gap masing hte Africa mungdan hta galaw lai wa sai rai nna de a akyu ara hpe makau grupyin hta nga ai ni dai ni hkam sha taw nga sai lam chye lu ai.

Dusat yam nga ni a matu masing hte UN Bawngring Masing (UN Development Programme) hte Buee ginwang hta Hka lawng ni galaw ya ai rai nna, dai makau grupyin kaw nga ai ni silky oak hpun ni hkai ma ai hte makawp maga la ma ai majaw akyu ara kaba hkam sha nga ma ai lam ni hpe Vatican shiga dap kawn sawk sagawn ka da nga ai.

05 June 2020, 13:31

https://www.vaticannews.va/en/world/news/2020-06/ethiopia-trees-world-environment-day.html