Dingsing Jau Ginwang Hta Paska Yup Tung Misa Galaw

Paska shaman wan shachyi la nna shada garan ai

Mung masa nsim sa ai majaw Myanmar Mungdan shara law law hta Chyoipra Ai Kru Ya shana na Paska Wan Shadaw shaman ai Yup Tung Misa hpe nsin garai nsin ai ten jau jau galaw ai shara law nga ai.

Paska Yup Tung Misa hpe shawoi shaning hkan  gaw  nsin shalawm nna shana 8:00 PM aten hta galaw ai mung rai nga ai.

Jinghpaw Mung, Myitkyina Muk Lum kata na Nawku Jawng nkau ni hta hkawm wa hkawm sa na shim lum lam n nga,hkrit tsang ra ai majaw Paska Yup Tung Misa nlu galaw ai shara ni nga ai.

 

Manmaw Saradaw ginwang, Dingsing jau ginwang, Nba Pa Lang Bung Kawng na Hkristu Hkaw Hkam Nawku Jawng hta gaw hpung masha ni law law sa du lawm ai hte Paska Yup Tung Misa galaw lu ma ai hpe kabu gara mu lu nga ai.

Dingsing Jau ginwang Nba Pa gaw Miwa Mung Jarit rai nga ai.

Lai wa sai 2020 ning hta mung Covid-19 ana zinli a majaw Nawku jawng ni pat da ra nna Paska poi hpe nlu galaw ai re,Dai ning na Paska Poi hta mung Chyoi Pra Ai Laban Bat na (Easter Tridiuum)  Nawku Dawjau lamang ni  nga ai rai tim mungdan nsim sa ai majaw nawku hpung masha ni yawng sa lawm lu ai lam n nga ai.

 

Add new comment

5 + 13 =