Deacon Paul Zinghtung Htoi Naw A Labau Kadun

Bro.Paul Zinghtung Htoi Naw gaw 1988 ning, Frebruary shata 27 ya shani, Kachyi Htu Jau Ginwang Hkra Ra Yang Mare kaw  shangai wa sai rai nga ai.

Kachyi Htu Jau ginwang,Layen Mare hta shanu nga ai, Slg.Zinghtung La Doi hte Jan.Sangan Kaw Tawng yan a Kasha rai nna, Kanau kana ni marai (5) nga ai kaw na kaji htum hpung dim kasha rai nga ai.

Kaji ten, Kachyi Htu Jau Ginwang, Layen Mare, Shanglawt Asuya Lawu Tsang Jawng hta tsang Mali du hkra lung nna, Lahpran tsang hpaji hpe gaw, Kachyi Htu San Yosep Sasana Jawng hte Palana Jawng ni hta sharin hkam la nu ai.

Tsang (9)  hte Tsang (10) lahta tsang hpaji hpe Myitkyina, Aungnan, San Columban Jau Tai Jawng kaji kaw nga let sharin hkaja la sai.Dai hpang,sumtsan Dakkasu Jan Mau (Distance Education) lu ai hpang  22 April 2012 ya shani Brother shanggan la nna Pyin Oo Lwin, Jau Tai Dakkasu de matut sharin hkam la sai.

Pyin Oo Lwin, Philosophy ngu ai myit sawn hpaji hpe (2) ning, Taunggyi kaw, Spirituality-Wenyi Lam hte seng nna (1) ning mi, Yangon kaw Theology-Karai a Hpaji hpe (4) ning tup sharin hkam la nna, 29 June 2019 bat kru ya, San Pra ai Peteru yan Paulu a poi n htoi shani, Myitkyina Sasana Sagurem wa, Wa Saradaw Francis Daw Tang a lata kaw nna Deacon a ya hpe hkam la nu ai rai nga ai.

Thomas