Covid -19 Chyam Bra Nga Ai Ladaw/ Sadi Maja Ra Ai Ladaw Hpe Sharen Jat Dat Ai Lam Shiga

Mungdan hkamja dap hku nna, Covid-19 sadi maja ra ai ladaw hpe, May Shat -15 ya shani du hkra, nhtoi jat nna, sit da sai ngu, sawn mai ai. Dai majaw, Myitkyina Saradaw –ginwang hku nna, laika no. D /MKN/062 hte, March Shata 27 ya shani e ndau shabra dat ai laika hta lawm ai lam ni hpe, matut shagrin ai lam, sadi mara ra ai ladaw hpe, Uphkang Dap/Hkamja Dap hku nna, dawm kau ai nhtoi du hkra, grin nga na lam, shawa hpung masha yawng hpe ndau shana dat ai.

Bai May Shata, Rosary hti ai shata hta, akyu jashawn mai ai akyu hpyi ga hpe, Wa Sarabyim Francis ka lajang ya ai akyu hpyi ga hpe, lang mai ai lam mung, shana dat nngai. Ruyak kyindut hkrum ai aten ladaw hta, Chyoi Pra ai Nu Maria a makawp maga ya ai lam hpe, hkam la na hte, kam sham ai ni a matu, akyu hpyi htinglu ya na lam, Wa Sarabyim Francis Matsun madun ninggun jaw ai lam re. RVA Kachin – Jinghpaw, Internet, Website, RVA Kachin Facebook, Online Media Platform, Viber, Instagram, Twitter ni hkan lu la mai ai.

May Shata hta, hpung masha shagu, Rosary hti akyu hpyi ai amu nhprai hkra shakut nna, tinang a matu mung, tinang abuga/ mungdan hte, shinggyim masha yawng a matu hkamja lam, shinglum lam, ngwi pyaw simsa lam, ndai lam ni a matu, ap nawng akyu hpyi ya ga, ngu ninggun jaw dat nngai

 

Rev. Fr. Paul Lum Dau

( Chancellor/ Sasana Ginjaw Amu Madu )

#churchnews

#rvakachinservice

Add new comment

4 + 3 =