Columban Sasana Wuhpung a Ningbaw Kaba nnan, Wajau Tim Mulroy Myitkyina Sasana de sa du

10 Dec 2018, Myitkyina.

Jinghpaw Mung de Sasana sa Galaw ai Columban Jau Wuhpung a Ningbaw ningnan (Superior General of the Missionary Society of St Columban) rai nga ai Wajau Tim Mulroy dai na de Myitkyina Sasana de sa du wa ra ai.

Du Sa Wa ai Wajau hpe Sagu Rem wa Wa Saradaw Francis Daw Tang, Wa Saradaw Kaba Paul Zinghtung Grawng hte ya ten Myitkyina Sasana kaw magam gun nga ai Columban sasana hpung ni, Wa Jau Ma Ma ni,Ginjaw Mungbawng Salang ni,Ginjaw Num Hpung Ninbaw ni hku nna Wunpung Htunghking hte hkap tau hkalum la sai.

N-dai hkrun lam hta yaw shada ai lam kaba nnga ai raitim Kachin' ngu ai hpe Wa Saradaw John Howe tsun dan ai hte nnan na ga ai ten kaw nna n dai Jinghpaw Mung de sa mayu ai myit pru wa ai hte Wajau Eamon saw shaga dat ai hte maren, ya dai ni a-ten kadun laman sasana ginra de sa gawan byin ai re lam chye lu ai.

Wa Jau Tim Mulroy tsun ai hta ' Myitkyina Sasana kaw nna Columban Sasana Wuhpung de hpang ai (50) ninghpring Jubilee galaw ya majaw grai kabu chye ju dum ai lam,n-dai Jinghpaw Mung de sa du lu ai gaw shi a yup mang kaja byin wa ai re lam,du dep na ten hta bai sa du nna ,n dai shara na mabyin masa hte sasana magam lam ni hpe grau chye na hkawn hkrang hkra hka ja mayu ai lam tsun lai wa ai.

Wajau Fr.Tim Mulroy gaw December 11 ya shani bai n htang wa mat na re lam chye lu ai.