CBCM, Covid - 19 Zuphpawng ( 09 April, 2020 )

Myanmar Mungdan Saradaw ni Covid – 19 ana zingli Chyam bra nga ai hpe ninghkap gasat shamyit kau na matu Zuphpawng kaba hpawng  ai shiga.

The Cahtolic Bishops’ Conference of Myanmar (CBCM) Myanmar mungdan kata na Saradaw ni Yangon kaw lai wa sai, March shata 30 ya sha ni Coronavirus ana zingli Chyam bra nga ai hpe ninghkap gasat shamyit kau lu na matu Zuphpawng kaba hpawng lai wa sai.

Zuphpawng kaba hta ndai ana zingli hte seng nna, mung shawa masha ni hpe gara hku shiga jaw na; ndai zawn shiga jaw shadum jahprang ai mahkrun lam ni hpe (RVA online platform) RVA shiga jaw lam yan ni hte (Social Communication ministries of the Church) Nawku hpung hte shinggyim matut mahkai lam yan ni hpe mung jai lang let gara ladat hku galaw sa wa na ngu ai mahkrun lam ni hpe bawngban jahkrup da lu sai lam chye lu ai.

Jau Ginwang kata ni hta Nawku hpung ningbaw ni gaw shadum jahpang matsun laika ni jau tau nau shapraw shana shabra ai lam galaw magang sai rai nna, Saradaw ni, Jau ni, MaMa ni, Tarahkaw Sara/num ni hte hpung shawa masha ni yawng ndai ana zingli hte seng nna laksan hpaw da ai Tsi Du kaba ni hte matut mahkai rau jawm ladat shaw shang lawm na matu Myanmar mungdan Saradaw ni a Zuphpawng hta matsun da nga ai.

Ap nawng Tsi Du ni, Tsi sara/num ni, Jau ni, Sasana hpung jau,brother,mama ni yawng gaw Nawku hpung a ningbaw ningla ni matsun ai hta galoi mung hkan nang na matu shadum da hkum sai ni hkrai re.

(Karuna Myanmar Social Service) Kanu Nawku hpung a malai tai Myanmar mungdan shyingyim nauna shada garum ningtum hpung ni, (Karuna Social Services) Nauna shada Apnawng garum shingtau ya hpung ni hte (Catholic Religious Conference of Myanmar) Myanmar mungdan kata Sasana shang Apnawng dawjau hpung daju ni yawng gaw ndai ana zingli hte seng nna laksan hpaw da ai Tsi Du kaba ni a lam matsun hte maren shang lawm shakut sa wa na matu mung shadum da jahpra tsun dan da sai re; nga nna CBCM kawn ndau shana dat nga ai.

Shiga ka gale ai – Fr. Patrick Gawmaw Hkawng Yae