Cardinal Charles Bo Shadau Jau Ginwang De Shawng Nnan Lang Sa Du Nna N gun Shaja Sakramentu Jaw Ya Sai

Cardinal Charles Bo Shadau Jau Ginwang De Shawng Nnan Lang Sa Du Nna N gun Shaja Sakramentu Jaw Ya Sai

December 04, 2022.

Wa Saradaw Kaba Cardinal Charles Bo gaw Shadau Jau Ginwang de shawng nna lang sa du Missa Hkungga nawng jau ya ai hte hpung masha marai ( 416 ) hpe N gun Shaja Sakramentu jaw ya sai rai nga ai.

N gun shaja hkam la ai marai ( 416 ) ni gaw Shadau jau ginwang rai nga ai Lahta Maw Hpawng na marai 25, Lawu Maw Hpawng na marai 42, Shadau mare na marai 189, Akye mare na marai 13, Hparaw mare na marai 26, Male na marai 8, Hka San na marai 2, Deng (16 ) na marai 27, Gat Shang Yang na marai 61, Mali Hka mare na marai 4 ni rai nna kaja jau ginwang na marai 19 re ai lam chye lu ai.

Missa hkungga ngut ai hpang Shadau Jau Ginwang Hparaw Mare kaw gaw gap da ai Simsa Lam A Hkaw Hkam Jan Wudang Bum de mung sa du akyu hpyi ai.

Shadau Jau Ginwang de sa du ai Cardinal hte Wa Jau Mama ni, sumtsan du sa ai manam ni hpe Shadau jau ginwang kata na nawku hpung masha ni kabu gara hkap tau hkalum la ai hte sa du Missa Hkungga nawng ya sai majaw grai kabu chyeju dum ai lam tsun ai.

Shadau jau ginwang hta sara gaiwang ( 10 ) nga ai rai nna hpung masha htinggaw ( 564 ) nga ai. Shadau jau ginwang gaw lai wa sai 2016 ning hta sha hpaw da ai rai nna jau ginwang hpaw ai ( 7 ) ning sha naw rai nga ai.

Shiga - Julia Ja Ing