Cardinal Charles Bo Myitkyina Sasana Kamaing Jau Ginwang De Sa Du Kawan

Wa Saradaw kaba Cardinal Charles Bo Myitkyina Kahtawlik Sasana Kamaing jau ginwang de shawng nnan lang sa du kawan ai hpe Kamaing nawku hpung masha ni htunghking Htawngka ni hte kabu gara  hkap tau hkalum la ai. 

Mung masa n simsa ai lam ni nga ai raitim Kamaing kaw nga ai hpung masha ni hpe sa du kawan let Kamaing jau ginwang de San Francis Xavier Mama hpung ni sasana shang ( 25 ) ning hpring Gumhpraw Jubali hte Num Boarder jawng nta ningnan shaman poi hpe sa du lawm ai. Jubali poi hte Boarder jawng num ni nga na nta nnan shaman poi hpe ( 16. 1. 2024 ) ya shani Kamaing Holy Family nawku jawng wang hta ngwi pyaw kabu gara ai hte galaw la sai. Jubali Missa Hkungga hta hpung masha ni marai ( 276 ) mung N'gun Shaja Sakramentu hpe hkam la lu sai.

Wa Saradaw kaba Cardinal Charles Bo gaw Kamaing jau ginwang de shawng nnan lang sa du kawan ai mung rai nga ai.  Kamaing jau ginwang hta nawku hpung masha htinggaw ( 596 ), nawku hpung masha jahpan ( 2786 ) nga ai lam chye lu ai.

 

Shiga - Julia Ja Ing 

Add new comment

6 + 12 =