Cardinal Charles Bo: Lit Magam Hprai Ai Myanmar Mungdan Ningbaw Ningla Ni Hpe Shadum Sadi Jaw Ai Lam

Cardinal Charles Bo: Lit Magam Hprai Ai Myanmar Mungdan Ningbaw Ningla Ni Hpe Shadum Sadi Jaw

  Myanmar mung Cardinal Charles Bo gaw lit magam hprai ai Myanmar mungdan ningbaw ningla ni hpe shadum sadi jaw ai lam hpe August 30, bat 1 ya shani Vatican Shiga Dap kawn ndau ai ma ai.

 Shata (18 _na sai chyam bra ana Covid-19 ninghkap makawp maga ai lam hte shata( 7) na sai mungdan daru magam zing hkang la ai hpang, mung masa simsa rap ra lam ni hpe woi awn nga ai Myanmar mungdan ningbaw ningla ni gaw, shanhte gun hpai ra ai lit magam ni hpe hprai, koi yen nga ma ai majaw, ya na zawn Cardinal Charles Bo kawn seng ang ai lit nga ai mungdan ningbaw ningla ni hpe hkyak hkyak shadum shadi jaw dat ai rai nga ai.

  Seng ang ai Mungdan ningbaw ningla ni gaw n dai ana zingli tsin-yam hkrum ten hte mung masa n pyaw ai aten hta, mung shawa mawa law law a asak hpe n jasum grin ai sha jasum kau ma ai gaw mung shawa masha ni a matu mung mungdan a matu mung, seng ang ai mungdan Asuya ningbaw ningla ni lit n la, lit hprai ai majaw rai nga ai gaw, mung shawa masha ni a social media ni hpe hpaw hti masam maram lu mai nga ai.

  Grau nna, lai wa sai shata sanit (7) laman hta mung shawa masha ni si htum mat ai gaw mungdan ningbaw ningla ni jahkrat shut ai tara upadi ni a majaw rai nga ai ngu Cardinal Charles Bo tsun sadi jaw da nga ai ngu Vatican Shiga Dap kaw nna ndau da ma ai.

  Lai wa sai Nu Maria Sumsing Lamu de woi shalun la hkrum ai laban hta hti ang ai San Yaku laika hta san Yaku Hkristan ni hpe “mungga hpe madat la ai madang kaw sha n rai nga na hte mungga hte maren sak hkrung nga sa na matu shadum dai ai lam, hte, San Marku a Kabu Gara Shiga hta na, Yesu Madu gaw tara shadik dum ai ni Karai Kasang a tsaw ra matsan dum ai tara hpe tawt lai nga ma ai majaw jahprak sadi jaw shadum da ai lam hpe mung Cardinal Charles Bo, shingdaw nna hkaw tsun da nga ai.

  Bawnu kaw na sumru let masin salum kaw na hkam sha ai shinggyim prat hta hkawm sa chye ra ai lam, shinggyim prat hte mungdan prat gaw teng man dinghpring jaw ang ai de hkawm sa ra ai lam, dai gaw tsaw ra myit hte sha hkawm sa lu ai lam Cardinal Charles Bo matut n-gun jaw da nga ai.

  Mung shawa masha shada tsaw ra matsan dum lama ai myit masin salum hte anhte a prat hta garan gachyan hkat let mungdan hpe gaw de sa wa na matu n-gun jaw let, bawnu hte sumru ai hpe salum hte hkam sha nna, gaw de ai hkrang tara n rai yang gaw anhte a prat hta yawn hpa lam kaba ni hpe sha shabyin ya na ra ai, ngu mung sumru hkan lang hkan sa na lam hpe mung hpaw da ya nga ai.

  Anhte gaw bawnu hte sha sumru nna daw dan ai rai yang shut ai lam ni law law byin chye nga ai. Dai majaw gaw bawnu hte sawn sumru, masin salum kaw nna hkam sha let hkrang shapraw daw dan galaw sa ai gaw grau nna kaja ai rai nga ai.

  Mungkan shara shagu na sinat laknak pala ni hpe mari mahkawng na malai, tsaw ra laknak hpe anhte marai hkum shagu hta gun lang let shada da tsaw ra daw jau nga ga, teng man jet ai ai lam gaw n htum ai tsaw myit kaw na rai nga ai, ngu mung Cardinal Charles Bo shadum da nga ai hpe RVA Jinghpaw Nsen Shapoi Dap kaw nna shalai ndau dat ga ai.

Source; Vatican News

By Fr. Patrick Gawmaw Hkawng Yae

#vaticannews

#rvakachinservice