Buhkawm Akyu Hpyi Myit Malai Lu Masing, Wa Sarabyin Francis Yaw Shada Ai Gaw, Canada Mung Masha Ni A Matu Rai Nga Ai

July 24, Laban shani, Wa Sarabyin Francis, Canada Mungdan, Edmonton Nbungli Daru kaw Roma aten 11:09 am aten kaw du shang wa ai lam chye lu ai.

Dai hpang, Edmonton na Yesu A Salum Ningsang Nawku Htingnu (Sacred Heart Church) kaw Laban Missa Hkungga nawng jau woi ai lam chye lu ai.

Canada mungdan buga hpung masha ni hte rau Missa Hkungga nawng jau na matu buga masha ni a htung hking madum sumpyi, yungwi ni hte Nawku Jawng kata shang wa nna Missa Hkungga nau jau ai re lam chye lu ai.

“Wa Sarabyin Francis hpe hkap pang hkap hkalum la ai hta, Missa Hkungga nawng jau ai hta shang lawm ai gaw buga masha wuhpawng a sari manu nga ai masin salum nan rai nga sai” ngu Yesu a Salum Ningsang Nawku Jawng Up Wa Jau Susai Jesu, OMI, tsun shapraw da ai.

Wa Sarabyin Francis a Canada hkrun lam gaw buga hpung masha ni a htinghking lailen ni hpe bai sawk shagawn tam mu la nna, jai lang lu hkra lajang ya na masing mung langai lawm ai lam chye lu ai.

Tsaw ra myit kaba ai Nawku Hpung, hkungga manu shadan ai nawku hpung tai nga na hte buga masha ni a htunghkring lailen ni hpe grau mu mada wa na matu Nawku Hpung gaw garum ya nga na re lam, Nawku Hpung gaw buga masha ni a makau hta rau hkawm nga ai lam, Wa Sarabyin tsun let mung n-gun jaw da nga ai.

Grau nna Wa Sarabyin Francis gaw, ndai hpung kawan laban bat laman hta, Canada buga hpung masha ni nga ai shara de buhkawm akyu hpyi, myit malai chyeju yawng hkam la lu na yaw shada let hkawm sa ai hkrun lam rai nga ai.

Shawng de chye na shut shai ai lam ni hpe bai shading sharai, prinem lam la, galai shatsawm jahtap sa wa na matu, tsi tsi shamai la na matu du sa re lam chye lu ai.

By Fr. Patrick Gawmaw Hkawng Yae

#vaticannews

#rvakachinservices

https://www.vaticannews.va/en/pope/news/2022-07/the-solemn-purpose-of-the-pope-s-penitential-pilgrimage.html