Buga Shiga ( Local News )

Maga Yang hte Sha-it Yang Hpyen Yen Dabang De Sa Du Gawan

(17 January 2019 ) ya shani Wa Saradaw Francis Daw Tang, Sumprabum Ginwang Up Wajau Paul Kinsa Tu Awng, Myitkyina Karuna Bawng Ring dap kaw magam gun nga ai Sara Laza Naw Awng hte RVA Jinghpaw Nsen Shapoi dap rung na magam gun marai lahkawng ni kaw nna Miwa Mung Jarit Mayen na Maga Yang hte Sha-it Yang hpyen yen dabang ni hta shanu shingbyi nga ai Hpyen Yen Nu Wa Hpunau ni hpang de sa du gawan nna,Shanhte a mayak mahkak hte seng ai lam ni hkrum shaga bawng ban ai,ra ai lam ni hpe hpaji jaw matsun madun ya ai hte n-gun jaw mungga tsun shaga ya ai,Akyu hpyi shaman ya ai.

Dai zawn sa du gawan ya ai a marang e hpyen yen Nu Wa Hpunau ni mung grai kabu myit n-gun lu ai lam hpyen yen masha ni tsun shapraw dan ai kaw na chye lu ai.

Shiga - RVA Kachin Service