Buga shiga, Aug 1, 2018

Hpyen yen dabang ni hta Wa Saradaw sa gawan  n gun jaw lai wa sai shiga!

Myitkyina Saradaw Sasana lit hkam Sagurem wa, Wa Saradaw Fransic Daw Tang hte Myitkyina Sasana Tsinyam lakawn hpung (DERT) ningbaw Fr.Dr.Peter Hka Awng Tu, Myitkyina Karuna lit hkam Fr. Joseph Ja Yaw   hte magam gun ni  July 30 ya shani Shatapru jau ginwang, P L N hpyen yen dabang de sa du gawan lai wa ai.

Ya na zawn sa du gawan ai hta hpyen yen tsin yam masha a nga shara ginra nta ni hpe yu gawan ai, tsin yam masha ni a hkam sha lam ra rawng lam ni madat la let byin nga ai masa ni hpe yu maram let ra rawng ai lam ni matsun madun hpaji jaw  n gun jaw mungga tsun ai lam ni galaw lai wa sai re.

Bai lai wa sai July 28 ya shani hta mung, Tang hpre jau ginwang, Tanghpre mare Sumsing Lamu a hkaw Hkam jan Nawku jawng wang hta jahkring jahkra wa nga ai hpyen yen dabang hta sa du gawan let hpyen yen tsin yam masha ni hte hkrum shaga ai, byin nga ai masa ni hpe masam maram yu ai, n gun jaw hpaji jaw mungga ni tsun shadum n gun jaw lai wa ai.