Brother Sang Gan La hte Paska Poi Lamang

Brother Sang Gan La hte Paska Poi Lamang

- (09 April 2023) ya jahpawt hkying (10:00)AM ten hta Tanghpre Jau Ginwang, Tanghpre Mare na Sumsing Lamu A Hkawm Hkam Jan Nu Maria, Nawku Jawng wang hta Brother ni Marai (3) Sang Gan La ai hte Madu Yesu Hkrung Rawt wa ai Paska Poi Misa Hkungga hpe galaw la lu saga ai.

- Sang Gan la ai Brother ni gaw- Tanghpre mare kaw shanu nga ai, Slg. Thomas Maran Naw Mai hte Jan. Goretti Htangdum Ja Kai yan a kasha, Brother Peter Maran Sut La Hkawng, Slg. Yawhan Myigang La Ja hte Jan. Teresa Hkinjawng Ja Bu yan a kasha Brother Myigang Muk Lung Awng, Slg. Henry N gan Zau Awng hte Jan. Elizabeth Hpungkraw Ja Bawk yan a kasha Brother Luke N gan Zau Hting ni rai nga ai.

- Chyeju shakawn Misa Hkungga hta Ginwang up Wa Jau Stephen Sutma Sut Awng woi awn nna, Wa Jau ni Marai (3), Mama ni , Nawku hpung masha ni (400) jan ram sa du shang lawm sai rai nga ai.

- Ndai Brother marai (3) gaw Buga na apu asi ni re majaw, matut nna shawng lam Sasana ning gam shagu hta myit ndaw ai sha gun hpai lu na matu hte san seng ai Jau ni byin tai wa mu ga matu akyu hpyi garum ya nga ga.

- Nu wa hpu nau ni yawng hpe chyeju hpring ai, kabu pyaw ai Paska Poi rai u ga ngu, shakram dat ga ai law.

#rvakachinservice

#local_church_news

#Tanghpre

#Happy_Easter