Australia Saradaw Ni, Matsan Mayan Ni Hpe Garum Shingtau, Mungkan Ga Hpe Makaw Maga Ga Ngu Saw Shaga N-gun Jaw Da Ai

Australia Saradaw Ni, Matsan Mayan Ni Hpe Garum Shingtau, Mungkan Ga Hpe Makaw Maga Ga Ngu Saw Shaga N-gun Jaw Da Ai

Australian Catholic Bishops Conference (ACBC)  kawn, 2021-2022 shaning a matu Social Justice Statement, ndau laika hpe August 5, bat manga ya shani htuk shapraw ndau da ai hpe Vatican Shiga Dap kaw nna mung ndau da ya ma ai. Dai statement, ndau laika hta Wa Sarabyin Francis a 2015 shaning na encyclical laika “Laudato Si” matsun hte maren, Nawku Hpung sak hkrung nga lu hkra yaw shada myit kaba hte shang lawm nga na matu saw shaga da ma ai.

“Cry of the Earth” Lamu Ga Hkrap Nga Ai, “Cry of the Poor” Matsan Mayan Ni Hkrap Nga Ai, ngu ai ga baw ginlam hpe dai shaning a social justice statement, ndau laika a matu (ACBC) kawn, bat mali ya shani, shagrin ndau da ma ai lam mung chye lu ai.

Wa Sarabyin Francis a encyclical laika “Laudato Si” hta tsun da ai, “ndai mungkan, anhte yawng a nta,” ngu ai hpe Wa Saradaw ni Sanit (7) ning lapran a yaw shada bandung “Laudato Si” ngu masat hkap la da ma ai lam mung chye lu ai.

2019-2021 shaning ni gaw, Australia mungdan hta, sharaw wan hkru ai shaning, hka kaba ai shaning, Covid – 19 gaw tsun shara n nga ai, ndai tsin-yam manghkang ni hkrum sha ai shaning ni rai nga ai lam mung chye lu ai.

Shinggyim masha yawng gaw ningnan re ai sumru lam, hkam sha lam, chye na hkawn hkrang ai lam hte sak hkrung na lam ni hta shaga la hkrum nga ai, ngu statement ndau laika hta tsun da ma ai.

Kun dinghku shagu, hpaji jawng shagu, Jau Ginwang shagu, Saradaw Ginwang shagu hte wuhpung suhpawng shagu gaw Saradaw ni lam woi ai “Laudato Si” hte seng ai magam lam hta shang lawm sa wa na matu n-gun jaw saw shaga da hkrum sai re lam mung tsun da nga ai.

Ndai ndau laika htuk shapraw ai ten gaw Australia Social Justice Rung a ga baw mying “The Bishops Conference’s Office for Social Justice” hpe “the Office for Justice, Ecology and Peace” ngu galai jahkuk da ai aten hte wa bung taw nga ai ngu nna mung ndau let “The Bishops Conference’s Office for Social Justice, Ecology and Peace” hpe mung shachyan da ya ma ai.

Vatican Shiga Dap kaw nna ndau da ma ai.

By Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/church/news/2021-08/australian-bishops-call-for-action-to-care-for-earth-and-poor.html