Asia Dan na Chyum Dakkasu Jawng Up ni Edin San Luka Chyum College de sa du gawan 

Jawng Up ni Chyum Jawng Wang hkan yu gawan hkawm nga yang/ Photo:Thomas

Asian Pastoral Networking ngu ai, Asia Mungdan na Sagurem Amu gun Shapan Shalat ai Dakkasu Jawng Up ni gaw 2018 November shata 6 ya shana maga de Myitkyina Edin San Luka Chyum College de sa du kawan ma ai.

N- dai Chyum Jawng Up ni hte rau, Dakkasu Chyum Jawng Up ni hpe majat hpaji jaw na matu du sa wa ai Missio Germany kaw na Dr.Klaus Vellguth hte Miss Marita Wagner mung sa du lawm ma ai.

Dai zawn sa du gawan ai ningbaw ningla ni hpe Edin San Luka Chyum Jawng kaw nna Jinghpaw htunghking magun lit ,htunghking ka hkrang, mahkawn mangwi ni hte kabu gara hkap tau hkalum la ma ai.

Ya na zawn sa du kawan ai gaw, Jawng a masa lam ni hpe chye la lu na matu, jawng ma ni hpe n-gun jaw ga tsun na matu hte Asia Mungdan kata kaw nga ai Sagurem shalat Chyum Jawng ni langai hte langai matut mahkai mahkri shawn lam lu na matu re lam chye lu ai.

Dr.Claus hku nna, shan hte hpe ya na zawn htunghking hte hkap tau la ai majaw grai mau kabu ai lam, ya na zawn ndai kaw na Jawng Ma,Sara ni hte hkrum zup let ndai Chyum Jawng a lam hpe hkum nan sa du nna hka ja la lu ai, mahkrum madup garan lu ai majaw kabu ai lam, Jinghpaw Mungdaw zawn nhkrum n ra re ai ginra hta Sagurem Hpaji, Rawt Jat Bawng Ring lam ni hpe gara hku ladat hte sharin hkaja la nga ai ngu hpe ta tut chye la lu ai majaw kabu myit pyaw ai lam tsun lai wa ai.

San Luka College gaw ,Mai gan daga Chyum Dakkasu Jawng (International College ) kaw jahpan lawm da ai jawng langai rai nna, East Asian Pastoral Institute, Philippines,hte partnership galaw da ai jawng langai mung rai nga ai. N-dai Jawng hta lahkawng ning sharin ngut sai ni gaw East Asian Pastoral Institute,Philippines kaw na Joint Diploma lekmat hpe mung shagrau jaw ai rai nga ai.

 

Thomas Mung Hpan

Add new comment

4 + 3 =