Argentina hte Uruguay na Saradaw ni kaw nna, Mungkan Bungli galaw masha ni a masat Nhtoi hta shadum jahprang nsen shapraw ai lam galaw dat ai shiga (03 May 2019)

Lai wa sai ndai may shata praw (1), San Yosep a poi nhtoi hte Mungkan bungli galaw sha ai ni a nhtoi shani hta, Argentina hte Uruguay na Saradaw ni kaw nna, Mungkan Bungli galaw masha ni a masat Nhtoi hta shadum jahprang nsen shapraw ai lam galaw dat ai rai nga ai.

Argentina mungdan Saradaw ni a laika hta, “Madu Yesu gaw, shi a prat nnan daw hpe laksma la langai hku nna makoi da lai wa ai. Magam bungli galaw sha ai lam a kabu gara shiga hpe ndau shabra lai wa ai. Shing gyim magam ngu ai gaw, shing gyim  wuhpung wuhpawng kata hta byin taw nga ai, shing gyim mang hkan ni hpe hparan lu na matu n nga nmai ai Zaw (key) nan rai nga ai. Dai majaw, magam bungli kata byin ai, myitru tsampu lam ni hpe anhte kaja wa nan adawt gasat ra nga ai” nga nna ka dat nga ai.

Bai Uruguay a Saradaw ni hku nna mung, Ramma ni hta na bungli nlu taw ai ni hte marai hkum shagu hpe matut nna grau kaja ai magam bungli hpe tam galaw na matu hte grau nna magam bungli ni hpe grau galaw ra ai lam, myit maju jung ra ai lam ni gaw, bungli magam ni hpe grau nna madi mashadaw ya lu ai lam ni rai nga ai. Ndai lam ni gaw, ting kyeng a matu hte wuhpung wuhpawng a rawt jat wa lu na matu ahkyak ai shing wang langai rai nga ai, nga nna hpaw tsun lai wa ma ai lam, Vatican Shiga Dap kaw na shana dat ma ai.

Source:https://www.vaticannews.va/en/church/news/2019-05/bishops-uruguay-argentina-labour-day.html