America Kaw Sinat Gap Sharu Bun Lam Hta Mara Kata Si Hkrum Lai Wa Sai Masha Ni A Matu Wa Sarabyin Akyu Hpyi Ya 

American Mungdan hta byin lai sai sinat gap sharu bun lam mabyin ni tha mara kata si hkrum lai wa sai masha ni a matu Wa Sarabyin Francis kaw nna akyu hpyi ya lai wa ai.

Lai wa sai laban shani shani ka-ang Agelus akyu hpyi ai aten dai mabyin ni hte seng nna myit npyaw lawm nga ai lam tsun shana let Wa Sarabyin akyu hpyi ya lai wa ai lam rai nga ai.

Nayi ahkying hkum hku sha din nna, American Mungdan Texas, California hte Ohio Mungdaw ni hta byin lai wa ai sinat gap sharu bun lam mabyin ni hta masha law law si hkala hkrum lai wa ma ai rai nga ai.

 Lai wa sai bat kru ya shani byin lai wa ai Taxas Mungdaw, El Paso ngu ai masha grai htat ai gat ginra hta byin lai wa ai gap sat sharu bun lam hta, nlaw htum masha mrai 9 si hkrum lai wa ai hte kaga law law mung hkala hkrum lai wa ma ai.

De a shawng hta sha mung, California Mungdaw Dingdung maga hta, asak 19 daram re ai masha langai kaw nna sinat hte gap sharu bun ai majaw masha marai 3 si hkrum lai wa ai, dai hta na 2 gaw ma kaji yan re, nga ai.

 Dai hpang, laban shani hta mung Ohio Mungdaw hta gat sharu bun lam byin lai wa ai. Ndai gaw 2019 ning laman 22 lang ng una American Mungdan hta byin lai wa ai sinat hte gap sharun bun lam mabyin re, nga ai.

Ndai masum masum the gaw mara kata masha ni hpe sha-ang nna adawt kasat lam galaw lai wa ai lam ni hkrai rai nga ai, nga nna Wa Sarabyin tsun let, si hkala hkrum lai wa sai ni, yawn hkyen hkrum nga ai nta masha ni yawng a matu akyu hpyi ya lai wa ai, nga nna Vatican shiga dap kaw nna shana dat nga ai.

Source:Vatican News