Afghanistan hpyen Yen Masha Ni Hpe Hkap La Ya Na Matu, Irish Saradaw Ni Mungdan Asuya Ni Hpe Hpyi Yawn Da Ya

Irish Saradaw Ni Afghanistan Mungdan Kata Majan A Majaw Hpawng yen wa ai hpyen yen masha ni hpe Ireland mungdan hta shingbyi shara jaw na matu seng ang ai mungdan Asuya hpe hpyi shawn da ma ai lam, August 19, bat 4 ya shani Vatican Shiga Shapoi Dap kaw nna ndau da ma ai.

Afghanistan mungdan hpe Talliban hpyen hpung ni gasat zing la ai hpang, mungdan masha 150, Ireland  mungdan de hprawng yen shang wa ai hpe mungdan Asuya kawn n hkap la ai majaw, ya na zawn Irish Saradaw ni kawn hpyi shawn da ai re lam chye lu ai.

Ireland mungdan sumtsan salang, Irish Ambassador mung ndai zawn rai jam jau hkrum nga ai masha ni a simla matu lit la lajang ya na hpe UN de hpyi shawn da nga ai.

Irish Kahtawlik Saradaw hpawng a simsa rapra lam hte seng ai Council tingyang up, Saradaw Alan McGuckian gaw “hpyen yen masha ni hpe hkap hkalum la ai lam, mungdan Asuya kaw nna dai hpyen yen ni hpe n mai kabai da ai lam tsun shadum da nga ai.

2020 shaning jahtum maga na jahpan hte maren nga yang htawt sit nga hkawm ai masha ni hpe mungkan mungdan ni kawn n hkap la ai masha jahpan gaw wan 82.4 ram nga ai lam, dai ni hta na tsa shadang (85%) gaw rawt jat sai mungdan ni e chyinghka pat da hkrum ma ai lam, tsa shadan (15%) hpe sha mungdan kata hkap la ma ai lam, Wa Saradaw McGuckian sawk sagawn dan da nga ai.

Afghanistan mungdan simsa lam nga na matu hte Haiti hta n-nang nawn tsin-yam hkrum sha nga ai ni a matu akyu hpyi ya ga, ngu Wa Sarabyin Francis hkum nan August 15, Chyoi Pra ai Nu Maria Sumsing Lamu de shalun la hkrum ai poi laban shani, hpyi shawn da ai.

Fr. Patrick Gawmaw Hkawng Yae

#vaticannews

#rvakachinservice

https://www.vaticannews.va/en/church/news/2021-08/ireland-bishops-urge-governement-welcome-afghan-refugees.html

https://www.vaticannews.va/en/pope/news/2021-08/pope-prays-for-peace-in-afghanistan-and-solidarity-with-haiti.html