(29 ) Lang Ngu Na Manmaw Jau Aseng Na, Tara Hkaw Sara/num Ni A, Myit Sumru Akyu Hpyi Hpawng Galaw La Lu Sai Shiga

Manmaw Jau Aseng na, Tara Hkaw Sara, Saranum ni a (29) Lang na Myit Sumru Akyu Hpyi (Wut Sawk) hpe Manmaw San Patrick Nawku Jawng kaw ( March, 29–30, 2021) ya shani galaw la lu sai. ndai hpawng lamang hta Manmaw Ginwang Up Wa Jau John Jangma Yung Wa, Wa Jau Francis Maran Awng Seng Naw, Wa Jau Perer Maran San Tawng hte Wa Jau Joseph Gawlu Gam ni kaw nna Wenyi Sak Hkrung lam a matu Kaning zawn re ai mabyin masa ni pru wa ai rai tim hkap la chye ai,

Manang ni hpe myit tau ya chye ai, Ningmu kaja hku mu mada nna, shagrit shanem ai myit masa hte Karai kasang a kashu kasha ni tai lu na matu Tara Hkaw sara ni shakut ra ai hpe matsun madun ngun jaw ya sai. Manmaw Jau Aseng, Sara Ning Htawn (12)na Tara hkaw Sara, Saranum ni marai (32)sa du let Wuhpung (6) garan nna, Kabu gara shiga hpe garan gachyan ai.

Myanmar Mungdan Ngwi Pyaw Simsa wa lu na hpe Madung tawn, yaw shada nna,Chyoi Pra Hkum sin, Udang gawan, Rosary Akyu hpyi nna Myit Sumru akyu hpyi hpawng hpe Awng dang ai hku galaw la lu sai lam kabu hpa shiga hpe shana ya dat ga ai.

#banmaw

#localnews

#rvakachin