"2022 Danai Catholic Youth League Cup" Nhtoi Galu Gawdin Shingjawng Poi Lamang Galaw Nga Ai Shiga.

"2022 Danai Catholic Youth League Cup"

Nhtoi Galu Gawdin Shingjawng Poi Lamang Galaw Nga Ai Shiga.

Danai Jau Ginwang kata na, Ramma ni a gawdin shingjawng poi lamang hpe, Thayathit Nawku jawng wang hta, September praw 1 ya kaw na October 22 ya du hkra shingjawng gasup sa wa na lam chye lu ga ai.

Ginsup lamang hta Ramma- 200 daram n gun hte lawk (8 ) kaw nga ai gawdin ninghkring ni shang lawm ginsup nga ai hpe mu lu ai.

Ndai lamang hpe Ginwang Up Wajau Paul Nbau Zau Lat kawn, lam matsun ya ai hte, Deacon John Npawp Byin Tu Awng Hte Ramma Komiti dap ni woi awn let galaw ai hta, shawng de ya na zawn nhtoi galu ginsup ai lam nnga yu shi nna, ndai lang gaw shawng nnan lang ginsup ai lamang re ai lam hpe mung chye lu ga ai.

Ndai lamang hpe, Ramma ni Ka Ni Nanghpam malu masha koi gam lu na matu bai ramma shada da hku hkau kahkin gumdin let karai magam lam ni hta myit lawm shang lawm lu na matu, yaw shada nna woi awn galaw ai re lam Deacon John Byin Tu Awng tsun dan ai kaw na chye lu ga ai.

Ginsup lamang hpe bat shagu hta 5 ya 6ya Laban shana maga ni hta shana de-3pm ten kaw na ginsup hpang ai lam mung rai nga ai.

Ndai hta lak lai ai gaw Kawa la hpung ni mung n gun mi alu shang lawm ginsup lawm ai hpe chye lu ai.

"Ndai lamang hta yak hkak ai lam ni nga tim Ramma lam yan ni hta grai myit rawt nga ai hpe mu mada lu ai hte dai hta laga hpunau nawku hpung na Ramma ni, Buddha Ramma ni mung shang lawm mayu ai nga nna sa tsun ai lam ni nga ai lam mu lu ai hte shanhte Ramma ni ndai hta grau zinlum lam ni grau lu wa sana re ngu hpe kam ai"

Nga nna Deacon Byin Tu Awng Kaw na shiga jaw hpaw tsun dan wa ai.

#youth

#football

#danai

#rvakachinservice