Chyeju dum ai lam. ( 02 July, 2019 )

Hkristu hta hkungga tsawra ai nu wa hpu nau ni, anhte RVA Jinghpaw Nseng Shapoi Dap de, Wechat kawn, Alu jaw bang ya sai maigan mungdan shagu na myit su kanu kawa, ramma ni yawng hte Myanmar Mungdan hta shanu nga ai chyeju madu ni yawng hpe ndang tsun hkra chyeju dum nga ga ai. Ndai zawn RVA de Alu gumhpraw hte garum la sai shara shagu na, Nawku hpung masha ni hte shiga madat ni marai hkum shagu hpe Madu Karai Kasang tut nawng bau sin makawp maga ya ai hte myit mang ai lam yawng awng dang ai, sut su nga mu nga mai ai, ngwi pyaw mai hkam kaja ai chyeju tut nawng hkam la lu u ga ngu, anhte magam gun ni kaw nna, lak san chyeju dum kyuhpyi ya dat ga ai law. Ndai Alu gumhpraw ni hpe aten jaw let hta mahkawng shalai ya sai Mary Dashi Hkawn Nan hpe mung grai chyeju dum ai lam masat masa galaw dat ga ai. Yawng hpe Karai Kasang shaman chyeju jaw ya nga u ga law.